Hi Hna Nufa Caah Hin Hlah Maw Vawlei Hi A Sunlawi Khun Ko Rua E

An nufa tein sianginn pakhat ah boih an la tti,siizung pakhat ah rian an tuah tti rih

America ram ah a um mi nufa hna cu an pahnih tein hmunkhat teah sii lei cawnnak an dih in nikhat ah sianginn pakhat teah boih an ak tti hnu ah siizung pakhat ah nurse an tuan tti veve rih. Hrintu nu hi a min Dr. Cynthia Kudji a si i a fanu hi a min ah Jasmine a si, an pahnih tein hmunkhat te ah sunglawi taktak in Medical School boih an la tti.

An sianginn kai nak hi cu ai khat lo nain boih lak a zat tikah sianginn kawmh a rak sii caah hmun khat teah sunglawi taktak in boih an lak ti khawh hi a si. Dr. Cynthia Kudji hi Gana ram ah a chuak mi a rak si i a ngakchiat lio tein siibawi si a rak duh buk mi asi, asinain kum 23 a rak si lio ah nau a rak pawi caah a saduhthah a rak tlinh kho lo.

Asinain Kum 43 a si hnuah a chunmang le a saduhthah cu a ruah mi nak leng in a hun tling i a fanu he hmunkhat ah boih an lak ti khawh lawng hmanh si loin siizung pakhat ah siibawi rian an tuan veve.

Dr. Cynthia Kudji nih a chim mi cu “ka fanu he hin hmunkhat teah unau bantuk taktak in a um tti lengmang mi kan si caah University kan kai chung vialte hi hmun dang veve ah kan um. Cu tikah kan karlak ah harsat nak tampi kan tong i pakhat le pakhat kan i ngai tuk hringhran. Face Time le Skype app pawl lawng in kan i hmu kho i kan rak celh ve hrim lo nain kan chunmang a tlin khawh nak hnga ding ah fak piin kan i zuam. Atu ah cun kan chunmang a tling cang” tiah zong boih an lak ni ah cun a chim.

 257 total views,  1 views today

This function has been disabled for Chin 11 News.