Health And Hope CEO Cu Dr. Sasa Nih Sian Lo Bu Tein A Chuak Tak Cang!

Dr. Sasa nih mipi thei dingin Thawngthanhnak a tuah cang. Aruang cu Kawlram mipi caah 100% riantuan a duh caah amah nih a dirmi Health and Hope cu ka chuahtak a hau tiah a chim.

A tial ning cun, I ngolnak le thlacam bawmh ding in sawmnak a tuah. Dawtmi hawikom le chungkhar hna, Nan ka dawt ruangah le ka caah heh tiah thla nan ka cam pi tawn ruangah, Kan lungthin dihlak in nan sin ah lunglawmhnak ka chim.

Atu cu kum 13 rian ka rak tuanmi le keimah nih ka dirmi buu chuahtak cu a har tak tak. Asinain kawlram caah UN Special Envoy to the United Nations ah an ka thim mi hi lungtak tein tuan ka duh caah a si. Mah rian thar an ka pek mi hi ka caah a har lai i harnak tampi a ka pe tu a si lai ti ka thei ko.

A Sinain ka ram mipi Myanmar mipi nih an ka auhnak le caan saupi an tuarnak le harnak an tawn mi vialte ka hmuh tikah mah rian an ka pek mi hi ka al khawh lo. Cu caah nan thlacamnak poah ah thlacam ka bawmh peng u. Pathian nih Myanmar thlachuahnak pek seh. Credit-Dr. Sa Sa