Harnak Kan Pah Ti Ahcun Lawmhnak Hmun Cu Kan Phan Hrimhirm Lai. 22222

CDM tuah hi biapi tuk hlah sehlaw CDM tuah kong hi voiza kan nolh lai loh. A biapit tuk caah dawh heh tiah ca pek he ralkap he an tlirhkhonh hna cuh. Ei lo i um le rian lo i um khi kan țih tuk cio ko. Mipi zong lam cung ah nunnak liam khi an țih tuk cio ko.

Thih țih lo le ei lo țih lo kan um lo. Kan țih buin kan pah lo cun nangmah le keimah bantuk in kan tefa hna țihnak he an țhang rih lai. 1988 lio kha CDM in an tei lo caah an sung tiah tuanbia in an chim cu nan theih cio kan theih cio mi si ko.

2021 ah nangmah na paw ca lawng ruat in CDM na tuah ve duh lo ruang ah kan sungh ahcun nangmah cu ram hrawktu ah ai tel mi, ram a leirawitu ah ai tel mi na si tiah tuanbia nih kutdong an in sawh lai.

Kan tei tik ni ah nangmah cu mah zawn lawng a ruat mi tiah kutdong sawh na tong țhiamțhiam lai. Tuni kan tuahsernak hi tuanbia nih a kan philh lai lo. Na tuahsernak ah phuhrunnak na ngeih lonak ding caah CDM ah lut ve. Harnak kan pah ți ahcun lawmhnak hmun cu kan phan hrimhrim lai. 22222 țhal khuapau dohnak cu kan tei hrimhrim lai. Credit: Mercy Meng

Relchih Dingmi Theihtlai: 1947 February 12 ah miphun phun li a simi Chin, Kachin, Shan le Bamar nih rak sermi ram thar cu amin ah Union of Burma ti a hung si.. Independent a hmuh hnu thla thum in civil war aa thawk i, nihin tiang a si. Milu tam deuh miphun Bamar nih miphum hme deuh covo chuh (Burmanization) ruang ah Federal Movement a rak chuak. Cucu ralkap nih kan ram ca ah ṭhencheutu ṭihnung a si an rak ti ca ah 1962 March 2 ah uknak an rak lak__ Ralkap ruahnak ah a buaimi fim tawl a si.. Cu dih cun 1988, September 18 uknak laknak a chuak ṭhan.

Cucu Ne Win sermi one party system kong le Ne Win cozah duh lo ruang ah a chuakmi 8888 mipi duh lonak langhternak ruang ah a rak si__ Ralkap ruahnak ahcun a buaimi fim tawl ti kha a si thiam. 2021 Feb 1 bal cu NLD nih thimfung an fir timi ruang ah a si bik__ MAH te nih ana thing an ti. Uknak an lakning idea kha aa khat pah dih.

2010 thimnak kha zei ruahchan ah a tuah timi kong ah top-down democratization theory in chim ahcun ralkap pa nih hin innkaa onnak (regime open ca ah election tuah) a tuahnak cu ruahchannak pa thum he a si. A nganbik ruahchannak cu a ngan deuhmi ralkap ser (Broadened Dictatorship) a si i, opposite party kha nawl ngeihnak pek nain cawl kho lo ding in tuam i, mipi nih opposite party uarning (Supporting rate) tlakter kha a si.

Mipi nih NLD nakin ralkap or USDP a tha deuh tiah an ruah i, ralkap or USDP an panh kha ralkap nih a rak i timh ciami BD cu a si. A pahnihnak cu, Narrow dictatorship a si_ Plan B kan ti lai. Ram chung ah buainak (ralkap duh lomi)a um tikah ralkap pa nih “repress” a hman ca ah a chuakmi result a si. Ralkap nih a ruahmi BD bantuk a si lo tikah uknak an lak than. Mipi an buai. Ralkap cu regime open a tuah hlan nakin a hme deuhmi “Narrow Dictatorship” ah aa chuah. Pathumnak cu Democratic Transition kha a si. Hihi cu ralkap pa a plan a si lo. Opposite party nih a tei tikah a chuakmi result a si.

2021, February 1 uknak laknak cu NLD thimfung fir puh ruang ah a si. 2015- 2020 ah ralkap nih mipi nih NLD supporting rate a tlak ding kha aa rak i timh cia. Atak ah, NLD supporting rate a tla tiah ruah a si nain, 2020, November 8 thimnak result a chuah tikah “Wow” ti khi a si_ An tei lawlaw 82% leng bak in a si.. Experts min thangthang an lau. An ruahdamhmi aa palh. Ralkap zong nih a plan A a sungh cang ca ah plan B a hman. Cucaah, uknak a lak. Uknak a lak ca ah mipi an au i “Narrow dictatorship” a chuak_ NLD chan nakin ralkap supporting rate a tla. Eg, EAO nih NCA lam an ngol tak. Crd: The Chan (Chan Bik Ceu Sawmhal)