Halkha Khuapi Ah CBCUSA Bawmhnak In SIPIN Sakmi Zun Inn Vedio In An Kan Hmuh Cu Ka Lau

Halkha khua, Lamton suimilaam tungpi le The Hakha Post office kar i CBCUSA bawmhnak in SIPIN sakmi zun inn vedio in an kan hmuh cu ka lau….” Thawl lawngte pei an rak zun ko hi” ka ti…zeitindah an zun khawh hnga….

Mizoram ah cun ” zun in chungah e hlah” an rak ti bal,…kan ram tu ah cun ” zun inn an ding hlah” tiah taar a hau hnga,…a herh ahcun keimah hrimhrim nih ka ttial ko lai….

1. Luti hor ah hmunthur hlonh hlah.

2. Mask kha i awih hlah.

3. Cycle na khalh lio ah helmet kha na lu theng ah i chinh.

4. Thlacam lai ah biaherh chim hlah.

5. Cozah nawl ngaih lo hi tthawnah rel hlah..( Covid -19 kongah)

6. Nau ek thlalang awngin innpa te duum ah hlonh hmang ti hlah.

7. Sa cuaitling bantuk in thiam ngai in zuar ti hlah.

8. $ cah duh ruang lawngah thlacampiak hmang ti hlah.

9. Cozah rian hi zuar phung a si lo.

10. Holh dang telh hi hmang bak ti hlah….

Tii tehna zong a herh nan ti ahcun khuachungi taar dingah ka ttial chih ko hnga…..titiang ka lungah a chuak.

Catialtu: Vapual Thawng

 209 total views,  1 views today

This function has been disabled for Chin 11 News.