Halkha hi cu kan poi hrim ko! By Halkha Fa

Hakha hi a mak bik kan lo tawn nan kan rak hrut ngai tawn ko rua .Uah nih le kan i uah tak rih. Zei lei poh ah mi cu kan va zumh, kan va bo chan ngai i , mah le mah cu kan i cawi sang duh bak lo . A thiam mi cu ka thiam ve hei ti phun . Mi zei rel lo nih kan tam.Pengtlang dang cu kan tluk bak hna lo . Pengtlang dang cu an mah le an mah an i cawi sang bak.

Tachunak ah , tu tan thimnak, hakha i ka hmuh mi ka vun chim lai. Pu Tial Ling hi a tuan bia ka rel , a bia chim kan zoh tik ah ka upat ngai , a za zong aa za fawn . Nan Pu Tial Ling cu Hakha a si lo .Thantlang peng Congthia khua mi , Yangon ah a um mi si.

2020 Thimnak ruah ah lai tlang a ra i a hram thok cun Thangtlang peng in aa zuam hnik nan USDP i Dr. Hmuh Thang he chung khat tuk an si tik ah Hakha lei tu hin aa zuam than hi a si. (Pu Tial Ling pumpak doh le thangchiat duh nak a si lo)

Chim duh mi cu kan mah hakha kong hi a si.Kan khua caah cun kan mah khua mi , kan mah minung te hi kan tanh awk a si ko, kan cawi san hna awk si ko.Hakha NLD EC le mipi zong nih kan khua kan ram i minung an um ve ko tung ah cun hmunhma pek deuh ding a si. Mi va bo chan le kha kan khua mi pawl caah a paam tuk. Hakha fa ni Falam , Tedim , Midat te hna ah va zuam cun sullam a neih lo ban tuk in Hakha ah cun Hakha mi te nih i zuam dih ding khi a si ko.Hakha mipi zong hi khua kan ruat lo ngai ngai , NLD a si poh cun khoi ka khua in a ra mi poh pek dih dawh khi a si. *Hi ban tuk a si nak cu Pu Zo Bawi hruai mi NLD EC ah Hakha mi tak tak kan tlawm tuk ruang ah a si .Mah hi biapi tak in Hakha mipi nih kan theih a hau.*

Hmailei ah cu NLD si zong ah , CNLD si zong ah Hakha peng caah cun hakha peng tlang mi te i zuam dih ko hna seh. Khua dang zong ah an mah le an khua mi te i zuam cio ko hna seh . Zei lei poh ah mah le mah i cawi sang ko hna uh sih, i daw ko hna uh sih.

Mah ka chim mi hi thimnak caah lawng kan ti mi si lo in , a zei lei poh ah kan mah le kan mah kan i cawi san hau ti mi ka chim duh mi si. Halkha Fa! Credit: ‎Falso Uno‎