Haleluijah: Lawmh Loawk A Tha Lo Kawl Ralkap Minung 90 Deng An Thah Hna

Mobye kahdoh nak ah SAC ralhrang 80 leng an thih leng ah hriamnam tam taktak an lak piak hna .

Kareni ram kulh , Mobye khua chung ah September 8 thok in ralhrang hna le tualchung hriamtlai tangti hna kar kahdoh nak fak ngai ngai in a chuak ii , hi kong ah tualchung hriam tlai phu lei nih kah doh nak thawng cu rak thanh a si nain a minung zat hi fiang in an rak langhter rih lo.Octber 2 ah MoBye PDF nih thawng fiang thanh nak cu an van tuah.Hi kah doh nak ah hin kawl ralhrang le in 80 leng an thih pin ah hriam nam tamtak tak kan laak khawh tiah an thanh hi a si.

Hi kahdoh nak chung ah hin tualchung hriam tlai tangti phu lei in hliam fak lo a tuar mi 54 , hliam fak a tuar mi 10 le ram le miphun caah a nun nak a liam mi minung 9 tiang kan um ve ,SAC lei hriam ngan kah sawh sawh tuk ruang ah tual chung mi mipi 13 hliam an tuar , hngakchia kumhrang tang 3 telh in 6 nun nak a liam tiah an thanh.

Mobye khua le a pawng kam hrawng ah kahdoh nak a fak rih ii SAC nih bomb tarh mi a tam pi rih caah mipi hna khua lei ah rak kir rih lo ding in nawl nak zong an tuah chih.
Hi ralhrang pawl kah doh nak ah tangti phu hna cu a tang lei ban tuk an si hna .Mobye PDF tatyin 1 le 2 , Phekhung PDF tatyin 2, Loikaw PDF , Central Region Task Force ,Demoso PDF tatyin 1102 , Naypyidaw PDF , KNDF , KA, KGZ, le URF hna fonh in kah doh nak an tuah mi a si

Relchap>>>>>TanPhu-zayat le Yee kar lampi cung ah ralhrang mawtaw thluan voi hnih bomb an puah hnawh , 10 an thi, Khin Oo zong ah ralhrang mawtaw thluan bomb puah a tong ve ii ralhrang 6 an thi

Mon ramkulh , TanPhu-zayat le Yee lampi cung ii rallam sial mi SAC ralhrang mawtaw thluan hna cu Mon ramkulh tualchung hriam tlai phu nih October 1 zinglei sang suimilam 9:27 ah voi khat le suimilam 9:51 ah voi khat tiin voi hnih tiang an puah hnawh hna caah ralhrang 10 an thi tiah Taung Ngio Pyituh Pyauk –Kyia hna nih an thanh .

Cu bantuk thiam thiam in Sagaing ramthen , Khin Oo peng Yua –tit kung khua in a rak chuak mi SAC ralhrang hna cu zaanlei suimilam 6:10 hrawng ah bomb in voi hnih tiang bomb in an puah hnawh ve hna caah ralhrang 6 an thi tiah theih a si.cu kah doh nak cu Khin Oo Special force Organization ,Khin Oo support Organization le Khin Oo tualchung hriamthlai phu hna nih an tuah mi kah doh nak a si.

Relchap>>>>Ralhrang rual nih Uk nak laak hnu , ramchung ah inn le lo chuah tak in a zam mi 1347400 an si cang ,

Ralhrang SAC hna nih hramhram in uk nak an laak hnu 2021 Frbruary thla hnu in kah doh nak ruang ii nun nak a him ti lo caah ram chung hmun kip in ralzam dir hmun a phan mi hi minung 1017,000 tiang an phan cang tiah UN ii nuhrin co vo lei zung UNOCHA nih October 1 ah cathanh an chuah.

Hi hna chung in Sagaing ramthen, Magwe ramthen le Kareni (Kaya) ramkulh hna in hin a tam cem an si tiah theih a si. uk nak laak hlan ram buai ruang ah ralzam dir hmun a rak phan cang mi hna hi 330400 an rak si caah a tu tiang ralzam dir hmun a phan mi 1347,400 tiang an phanh nak hi a si.
Hi cazin chung ah hin Myanmar ram pawng kam ram hna le ramdang hna ii a zaam mi cazin aa tel lo tiah theih a si .

 

Be the first to comment

Leave a Reply

Your email address will not be published.


*