Hakkauh Le Duhfah Tuk Ruang Ah Minung Tamtuk An Rak Thih Hi A Si

Kan hnu deuh teah Pha-kanh ram mi tamtuk thih nak ruang ah Kawlmra miphun vialte ngaihchia in um dih a si. Cu thihnak kong he pehtlai in zeitindah thil sining fiang le konglam a si ti hngalh nak ding in Myanmar President Office nih hlatlai tu phu cu July 3 ah khan a rak dirh cawlh i July 5 ah hlathlai an thok cuahmah cang.

Hi hlathlai tu phu nih an tuanvo ngeih mi cu zeitin dah vawlei a cimh ning a si, a hodah tuanvo a rak ngeitu a si, mithi hna le hliamtuar mi chungkhar hna pehtlaih dih in bawmhnak pek le hmailei ah hi bantuk an ton ti nak hnga lo ding ah ruahnak cheuh hi hlathlai tu phu nih an ngeih mi tuanvo cu a si.

Hi hlathlai tu phu nih nihin an hmuhchuah khawh mi chung in an hruaitu bik nih a chim mi cu “Vawlei cimh nak ruang cu a rak si ko. Ruah a sur tuk mi ruang ah leivawr lawngte an si i cu ruang ah a rak cimh mi zong hi a si. Hi hmunhma ah hin lunghring kawl lo ding in June 20 ah khan ralrin nak pek le thanwgthanh nak tuah a rak si cang. Tihnung a si tiah tha tein chimh zong an rak si ko cang hna nain haukauh tuk ruang le duhfah tuk ruang ah an rak kawl chih caah tu bantuk in mi tamtuk nunnak a liam hi a si” tiah U Ung Win nih cun a chim hi asi.

Pha-Kanh ah a um mi hna pawl hi zeitluk indah lunghring kawl tihnung a si le thihnak he an i neih ti an hngalh ko nain zeidang riantuan ding le pawcawm nak a um ve lo caah lunghring kawl hi an i thim lengmang nak zong a si. Hi bantuk rian hi kan phihkhar dih lai ti ding zong ah kum tamtuk chung an rak tuan cang mi hmunhma phihkhar piak ding ah zeitluk indah rian tha kan pek khawh hna lai ti mi hi ruahnak nih a phan lo tiah zong an hlathlai tu lei nih cun an chim.

 126 total views,  1 views today

This function has been disabled for Chin 11 News.