Hakha Thil Cangmi Hi Hruaitu Nih Zoh Sawhsawh Lo Ding! Ruah Ah Lung A Fak!

Hakha khualipi ah khuasa mi nu le pa u le Nau hna tulio kan ram nih a ton cuah mah micu ho poh nih kan hmuh kan ton kan theih cio ko. Ralkap uknak kan duh lo tiah langhter nak caah lam kan zawh len kan au Len. Zung riantuan mini kan rian ui tuk ko buin CDM kan tuah.

Tulio i ral kan teinak ding hriamnam thabik cu CDM tuah hi a si ti cu ho poh nih kan theih. Cu CDM cu zung rian tuan mi lawng nih kan tuah awk a si lo i mipi zong nih tuah ve awk a si. Tuzing i “Myanmar Economic Bank” ah nan colhcangh dan le nan tuahser nak nih nanlung put fiangtuk in a langhter. Lung a fak kho tak’’

Ruah ah lung a fak! Hawi nih lam tha sial lio Ah nangnih ahnu lei in na rak mimh (hrawh) hi na zei tal ti lo maw? Raltei nih duh! Doh nih ngamh lo. Hawi rak doh lio ah i thup rianmang i Teinak hmuh ah i hrawm lem ve ding khi …………maw? (carel tunih la pehpiak te uh) #lungchuakbia #justfortoday🙏

Civil Disobedience Movement (CDM) le Lai Peih: 1. CDM cawlcanghnak hi Lai Pei he aalo. Lai Peih ban tuk te in thachung ngerh in kan peih hna ahau. 2. Lai Peih ah patthong le patthong an ni peih ah cun: anthazaang aa khah caah, Vangkhen in cuai riangmang in hliah cukmak tei cu ahar ngai. Cu cah patthawng seh kan peih lai ti asi ah cun; Thachungngerh hman ahau. Thachungngerh hman ah cun atha asau deuh mi le alung atthawng deuh mi le alung asau deuh mi nih tei asi.

3. Cu caah, CDM in kan peihmi Ralkap pawl hi, an tha atthawng maw? Anlung tah atthawng maw? Anlung zong asau maw? Vangkhen in maw kan cawi hna lai, thachung in dah kan ngerh lai, ti kan theih ahau. 4. Min Aung Hlaing nih atu ban tuk in “Election” ah atei ko mi, Nawlngeihnak (Anna, Power) pek duh loin, Ralkap thazaang in Nawlneihnak Alak (Military Coup) mi aruang bik cu: Attih caah asi. Min Aung Hlaing attih bik mi cu: Rohingya pawl an miphunpi tein ci-hmih (Genocide) ding in, athah anawn hna ruang ah ICJ (International Court of Justice) ah thircingcik in an hraui ding kha asi.

5. Ralkap nih Rakhiangram ah aum mi Rohingya pawl an ci-hmih ding in an tuk, an thah hna. Cucaah, Min Aung Hliang le ralbawi pawl cu The Hague ah thircingcik khih le hruai in, “International Court of Justice” (ICJ) ah chuah pi ding an si. Cuti an chuah pi tik hna ah, Min Aung Hlaing cu, Milosevic ban tuk khan hri in ahngawng thlai asi ko lai. Cucu, Min Aung Hliang nih attih bik mi asi.

6. Min Aung Hlaing atu tiang The Hague ah ICJ kal khawh lo ding in akhamh tu cu, Daw Aung San Suu Kyi asi. Atu cu Min Aung Hlaing nih amah akhamhtu lila alei rawi tik ah, atthutnak thing-nge amah nih asaam ban tuk asi cang. Hiti atuah mi zong hi, Aung San Suu Kyi hi, Min Aung Hlaing akhamh ruang ah Vawleicung pumpi in sawisel atawng. Laksawng an pek cia mi viate zong chuh lengmang asi. Nobel Prize hmanh lakpiak tthan uh, tiah an au. Cu tik, atu Election atei rih ii, 2nd Term ah hin cun, Min Aung Hlaing khamh ti lo in, amah luatnak le mintthatnak lak tthan tu aa zuam cang lai, tiah ruah asi. Cucu Min Aung attih bik mi asi.

7. Min Aung Hlaing nih “Attih” tuk bu in atuahmi thil asi caah, fawi tein angol lai lo. Amah kha hri in hngawngthlai nak cha cun; Kawlram mipi million (50) meisa chung burh kha angam deuh. Kawlram ah minung million (50) thih kha zei ah arel lo. Cucaah, kan ruah ding cu; Min Aung Hlaing pakhat luatnak caah maw, Kawlram mi muning million (50) meisa chung burh cu kan tuar ko lai? Ka tuar kho lo. Kan doh velai. Amah tu The Hague ah kuat attha deuh.

8. Atu CDM kan tuah mi hi, Vawleicung tuanbia ah atthawng bik mi CDM asi. Hinak in atthawng deuh mi, ram pumpaluk mipi ii tel dih mi hi aum bal lo. Ganhdi chan lio hmanh ah India ah hi tluk hin arak tthawng lo. Asi nain, India ah cun, Gandhi hruainak thawng in anlung asau. Anlung atthawng. Anmahnak in atthawng deuhmi British Empire pi an peih ii, achung in atha an ngerh. Lungsau tein, ral ttha tein, achung tha an ngerh ii, ahnu ah cun Lai Peih thachungngerh bang, India nih meithal le hriamnam in atthawng deuh mi British Empire pi cu atei ko.

9. Atu zong, kan lung atthawn, kan lung asau, Lai Peih in Min Aung Hlaing le Kawl Ralkap cu, como tein an chungtha kan ngerh hna ii, kan peih hna ah cun kan tei hrimhrim hna lai.
10. CDM cu, hriamnam hmang lo in doh mi, non-violence movement asi. Kan Bawipa Zisu Kri nih hriamnam hmang lo tein, Vailamtung aput ban tuk asi. Lungsau tein, thinfual bu tein, hriam le nam hman lo tein, kan thinhunnak zong isum usi law, ding le fel tein kan Vailam kan put ah cun Luatnak le Teinak cu kan hmuh hrimhrim ko lai. Credit: Dr. Lian Hmung Sakhong