Hakha Sizung Pi Ah Ralhrang Hliamtuar Mi Minung 70 Leng An Si I A Dam Mi Minung 17 Rungtlang Ah An Kai Mi Cang Hna

Hakha Sizung Pi Ah Ralhrang Hliamtuar Mi Minung 70 Leng An Si I A Dam Mi Minung 17 Rungtlang Ah An Kai Mi Cang Hna

Ralhrang hliamtuar Hakha siizung phanmi 70 leng chungah hraang 16 cu an dam cang tiah Rungtlang an sakhan ah an hun chiah cang hna.
21 aprilCrd.. Salai William Hlawnceu

Relchap>>>>>Hitler Ral Sunghnak Le Mino (CDF) Ramdang Kalnak Kong Part (3)

Hitin Kan ṭial mi hi Mino nih Ramdang kal dih hna sehlaw, raldoh ding um hna hlah seh kan ti caah asilo.
Chin Mino Tampi nih CDF ah an lut I CNA nih tindan an pek hna. CNA hnatlakpi nakin anmah tein Tindan zong an tuah fawn rih.
CNA sinah CR number cu pek cio asi I Cheukhat CDFs CR 1200 leng tiang ansi.

Cucu chirhchan in Chinland ah Raldoh khawh mi thazang cu 20000 leng kan si caah a duh mi kan ral cu ra hnaseh, kan ṭhio dih hna lai tiah Dr. Sui Khar nih CNN interview ah arak chimh mi kha asi.
Lungthawh in aa thawk mi an um bantukin, Cantawi te ah kan tei hna lai tiah aa thawk mi an um ve.
Mino tlawm deuh lawng nih A caan a rau zongah apoi lo, miphun le ram caah kan ṭuan ko lai a ti mi an si.
Fak deuh khuaruah khawhmi le a fim dueh mi Chinland mino hna cu CDF ah um loin CNA ah direct in an lut. CDF kha an kaltak I CNA ah an lut.

Kawl Ralhrang thluk khawh ding ah CNA thazang abiapi bik tiah an ruah caah CNA ah an lut hi asi.
AA Luzik Tun Myat Naing zong nih Kawl Ralhrang tei nan duh ahcun CDF siloin CNA lut uh. CNA ah Dollar pek uh, CBCUSA ah pek hlah uh, CDF siloin alamkip in CNA thazang ṭhawn ter uh an rak kan ti kha, nan cing cio ko lai dah.

CDF hi CNA ah ser dih uh an kan ti hmasat tu hi Tun Myat Naing asi. Chinmi Ralthawh dan ka lung piang lo, sau nan ngut lailo I, Kawl Ralhrang nan tei khawh lai lo tiah AA ralbawipa nih Chinmi fimchim buin vuivai in a rak zai len ko kha.
Ramdang le Malaysia, Thailand, Delhi a kalmi Chin Mino hna hi CNA in ansi lo. CDFs ansi dueh
Zeihmanh ngeihlo buin anmah kutke tein le ramdang bochan in CDFs cu kumkhat kan kal tikah harsatnak tampi tawn colh asi.

Dollar nih aza ti hna lo. Raldohnak caah Diezel le Datsi (Petrol) caa ko hmanh ah harnak an tawn cang caah CDF nih Policy an remh I minung an ṭhumh hna.
Cantling CDFs si awkah thimhhlei mi an ngeih hna. CDFs Pakhat le battalion pakhat nih Ralkap 200 leng hrawng lawng hi Cantling Ralkap ah an thimh hlei hna.

Adang an thimh lomi hna cu Reserved in an chiah hna I aherh tikcan poah ah CDF nih auh tikah raldoh awkah Ready le Standby si awkah biakamnak le senthuhnak an tuah I an din ter hna. Sakhan ah an um ve ti lo.
Kawlram sipuazi le Business cu an tla cikcek caah Innchungkhar cu tirawl le eidin koko ah kan har tuk cang.
Ramthumnak ah aummi an dong le nih siseh, Chungkhat rualchan le theihhngalh mi hna nih ramdang ah ra ko uh, kan in bawmh hna lai ti asi.

Ramdang ah chungkhat a ngeih lomi hna zong an fa le he Ramdang kal ṭi hawi ah tiah dollar an rak bawmh ve hna.
Khuatlang le Pengtlang cio nih Malay le Thailand ah an kal cio tikah an nawl cawng in mino tampi an kal ve.
Cheukhat mino cu Cantling CDF sinakin an zam I, Malay ah an kal ve.
Cantling CDF ralkap hna cu Autogun an i za lo caah Thalpat le Pauceh in ralhrang doh kha an duh ti lo caah CDF in aa ngawl I ramdang kalmi zong an tampi ve. Crd.. Joseh R. Thang