Hakha Pu Tial Kian Lawmhpi Cio U Sih! Tangka Tam Taktak A Hmuh!

Hakha in Kyats sing 1,000 Lottery a co tu.
===============================

Hakha, Chin Oo Si sang um Pu Tial Kian nih October thal ah chuah mi kyats sing 1,000 lottery a co tiah theih asi. Kum 63 asi cang mi Pu Tial Kian cu Thirhri tuknak zungah rianṭuantu a rak si i cu rian in aa dinh nak kum khat leng te lawng asi rih.

Kyats sing 1,000 co tu Pu Tial Kian nih “lottery ka co cu ka lawm tuk. Lawmh lo awk a ṭha lo cu. Hi tangka in zeidah ka tuah lai ti cu ka ruat rih lo. A hmasabik ah cun kan nu sin ah fangkhat hmanh taang lo in ka pek lai cun zeidah kan tuah ah a ṭhat lai timi kan i ruah te lai” tiah a ti.

Hakha khua in sing 1,000 lottery co timi hi atu a voikhatnak asi. Pu Tial Kian cu tangka a ngeih caan te ah lottery cawk a hmang tawn i atu lottery a cawknak dawr hi Moe Yan Go Go San dawr in Kyats 10,000 man lottery asi. Pu Tial Kian cu fapa 2 le fanu 2 a ngei tiah theih asi. Ref: Chin Cable Network Channel

 77 total views,  1 views today

This function has been disabled for Chin 11 News.