Chinralkap hna nih, Ramthlo in Chuncung khua phak hlan mengkhat fai duh kar ah ralhrang Motor zate an hrawhmi ah motor 13 le JCB 1, Chuncung khuachung ah motor 7 le Tank pahnih an hrawh tiah kan theih.
Relchap>>>> Ralhrang nih Chinram ah hriamnam ttihnung le thilri an rak i phurh mi cu a dihlak in lampi ah an hlawnh dih ko hih! Kalay in chinram Hakha khuapi panh in a rak kai mi ralhrang hi motor le tank le JCB he cun 20 leng an si i anmah ralhrang thazaang hi 200 hrawng si dawh an si.
Kal thiam loin chin ralkap nih an rak kai bak in an phomh hna i nihin tiang zarhthum chung kahdohnak hi aa peh cang. Falam le Chuncung khua tiang lawng bakah zarhthum tluk an rau cang. An thiri le an hriamnam le an motor cu Hakha khuapi pakhat hmanh nih phanh dawh a si lo.
Lampi ah chin ralkap nih a ning pi in an hrawh dih . An raltuknak tank 2le an JCB zong an hrawh dih chih. Anmah ralhrang zong hi lampi kip ah an thi i Hakha nung dam in a phan ding um dawh an si lo. Nihin zing tiang ah Chuncung khua ah kahdohnak a zual ko rih.
Leave a Reply