SAC Ralhrang nih Timit le Pialva ah Inn an Bauh, Facang le Sattil an Fir; Nihin zinglei ah SAC ralhrang pawl nih Timit le Pialva ah a ummi inn pawl an bauh hna i ar le facang tibantuk an fir hna.
Innchung ah a ummi facang an khanghpiakmi hna a um pin ah motorcycle pawl zong Timit tiva chung ah SAC ralhrang nih an hlonhpiak hna. Thantlang le Hakha karlak SAC ralhrang pawl an um caah khualtlawn len lo ah a ttha. The Chin Journal; August 26, Hakha
Relchap: Myitgyina khua ah Taw-Si kedan zuar lo ding in ralhrang nih an kham Kachin ramkulh, Myitgyina khua kedan zuarnak dawr ah sit-tung-point(စစ္သုံးပြိဳင့္)/Taw-Si kedan zuar lo ding in ralhrang phu hna nih an kham tiah theih a si.
Myitgyina khua ah dawr no.1 le no.2 chung kedan dawr hna le, khuachung kip kedan dawr dihlak dawr 8 nak tlawm lo cu The 74 Media nih biahalnak le hlathlainak an tuah hna tik hna ah, cu bantuk kedan zuar lo ding in ralhrang phu hna nih an kham nak cu theih a si.
“Cu bantuk kedanh cu kan fimnak a sau cang, zuarnak nawl an kan pek lo caah , voi dang ahcun kan zuar ko , a kan zuar ter lo nak a sau cang, rambuai ruang ah si ko lai ” tiah kedan zuarnak dawr ngeitu pakhat nih The 74 Media ah a chim.
“A bik in ramlak ummi hna he pehtlaihnak um lai an phang, point(ပြိဳင့္)kedan/Taw-Si cu ralkap hman thilri a si, ralkap pakhat nih hman lo awk a tha lo mi le herh tuk mi kedanh a si caah a kan zuarter lo nak a sau cang , voidang ahcu bantuk kedan zuar tawn mi dawr zong ah a um ti lo, zuarnak nawl a kan pe lo tu cu ralhrang an si” tiah a chim.
Cu kedanh cu ralkap nih an hman mi thilri pakhat a si nain, lothlo, ramvai le sui khor lei riantuan mi hna le tlangkai hna zong nih an hman mi a si tiah a chim chap.
Myitgyina khua tulio ah cubantuk kedanh cu 5000 hrawng a si tiah theih a si.Kawlram chung ah point(ပြိဳင့္)/Taw-Si kedanh tiah theih a tam bik ralkap kedanh cu Tuluk ralkap (PLA) nih 1965 kum in hman hram an rak thok mi PLA Liberation Shoe a si.TCP #The 74 Media
Leave a Reply