Hakha Myone Caah Budget An Chiah Mi Hi Myone Dang Pathum Caah An Chiah Mi Nakin A Tam Deuh

Hakha myohne pakhat caah budget an thlak mi hi Paletwa myone, Kanpalet myohne le Tonzaang moyhne pathum komh budget nakin tamdeuh a si nak ruang hi Chin pyine hluatdaw vuanci le lan-pan-saw-tuaizi vuanci pahnih an um ruang ah a si tiah theih a si.

NLD cozah an hun si hnuin Rampi budget an then phawt tikah President le vuanci pawl hna nih myohne le pengkulh pawl thancho nak ding ah a bik in budget hi an thlak tawn mi a si. Chin ram thlanglei Mindat myone kuzalee a si mi U Aung Thancu a rian in dinh ter a si hnu cun Mindat pengkulh chung ah budget an thlak mi hi a zor deuh tuk hringhran cang.

Budget then phawt tikah hin myohne pakhat le pakhat hi I tluk dih seh tiah kan chim duh mi a si lo nain a thancho deuh mi pengkulh, pengkulh chung a bir le kauh, milu tlawm tam zong hi felfai tein zoh chih a herh mi asi.

Chin ram cozah pawl nih Hakha Falam le Thantlang lawng hi biapi ah an chiah I thancho ter an timh zungzal. Budget an hal tik zong ah Hakha, Falam le Thantlang myoh chung ah zung thatha sak nak ding le khuapi tamh moih nak ding lawng hi biapi ah an chiah.

Aa tanglei hi 2020-2021 kum caah Chin ram cozah nih budget an thlak ning a si:

Hakha pengkulh 31. Billion

Falam pengkulh 20.75 billion

Matupi pengkulh 20.08 billion

Tidim pengkulh 14. 9 billion

Mindat pengkulh 13 billion

Thantlang pengkulh 12. 5 billion

Paletwa pengkulh 12.3 billion

Tonzaang pengkulh 9.5 billion

Kan Plet pengkulh ah 9 billion, tiin budget hi an thlak ning a si.

Source: Southern Chin Land

 

 308 total views,  1 views today

This function has been disabled for Chin 11 News.