Hakha Mipi Nih Mee Pek An I Palh Sual Ah Cun A Paam Tuk Lai Hih!

Salai Van Chan Ceu ka hmuh ning : Lai lei mi cheukhat le kaa dangdang a ummi hawikom tampi nih MP aa cuh mi na hmuh ning hna theih kan duh ngai tiah an ka hal lengmang. A bik in US lei AUS lei nih an ka hal tuk ca ah keimah ka hmuh, ka theih khawhmi ah ka hmuh ning hna van chim ka duh nak hi a si – ( A ho ka ttanh / ttanhlo ti si lo in lung thiang te in )

1. Salai Van Chan Ceu hi ttih ngeilo pa ral ttha bak a si. (A Vuanci hna hmanh nih an chonh ngam lomi bochouh Hung Ngai zong kha Vailam tung phur lo ding ah ral ttha tak in dir onh in a chawn i bia a let ngammi a si )

2. Khrihfa ttha ti lawng si loin Khrih ram kauhnaak ca ah thong tlaak zong ttih lo in PATHIAN a ttanhmi Lai pasal ttha a si.

3. A tu Halkha Khuathar Hlawhtling Thlacamnaak Tlaang Vailam tung phurlo ding ca ah Salai Van TinLian he Halkha mino tampi an sawm hna i Halkha mizapi nih duh lonaak langh ter ding in a thli te in meeting an rak tuahpi hna ruang ah Vailam tung a hmunh lawng si lo in a pawngkam Ekah 40 tiangpi Khrifa nih kan conaak a si.

4. Ka tuah ka ttuan lai a timi hna hi ral ttha taktak in a tuah ttuan lai ti ka zumh ko. Cu ca ah Chin miphun le Khrihfa mi nih bochan awk tlaak pasal ttha pa khat a si ko tiah ka hmuh ning a si. Credit : JP Biak Tin Sang