Hakha Mi Minung Pakhat COVID-19 Zawtnak Hrik An Hmuh

Hakha mi minung pakhat COVID-19 zawtnak hrik an hmuh. Hi zawtnak hrik an hmuh mi case 476 hi pa kum 60 a si I US in Myanmar Ram ah a rak tlung mi a si. A tlun hnu in Yangon Hlaing Peng ah khumherh a si i zawtnak hrik a pum cung an hmuh hnu in Waibaki sii-inn ah an chiah.

Hi thawngpang hi Democratic Voice of Chin-DVC nih a tial mi a si. Ram chung ah a um mi hna le khuami cio hna zong nih ralring taktak in um ko hna usih. Hi pulrai zawtnak in kan luat khawh cio nak hnga pathian nih kan hmhim cio hramseh.

+++++++

COVID-19 runven nak kong ah Chinchin Pek Thang nih a tial mi hi rel cio hna usih.

COVID-19 pulrai a voi hnihnak a tlun lo nakding i ralrin le i runven daithlang lo tein

=====================================

By-Chinchin Pek Thang

Vawleicung huap in siseh, Kawlram he ramri ai tlai mi India le Bangladesh ram ah siseh, cun Kawlram chung ah Rakhine ram ah siseh, COVID-19 zawtnak rungrung a ngei tiah hmuhthar mi mizaw an hun karh tthan cang. A zaw mi chungin acheu nak uak, 100 ah 61 tluk hi mithmuhnak ah cun a dam mi an lo ko i, an zawtnak a langh ning ai hngal lo. Asinain zawtnak an ngei ko i mi zong an chawnh hna caah pulrai a tlun ning ai nolh tthan kho. Cucaah Ngandamnak le Zaangleknak Zung nih an thanh bantuk tein, zawtnak i runven ning zapi nih kan tuah cio kan zulh cio naklai kan in sawm chin ve hna.

COVID-19 i runven ning zulh ding 8

1.  A si khawh chung inn ah um ding (lengchuah lo ding)

2. Mi buutnak hmun a herh lo ah kal hrimhrim lo ding

3. Pakhat le pakhat i hlaat in um ding, a si khawh ahcun pe ruk dan in umkal ding

4. Lengchuah fatin, mi buutnak hmun kal tik poh ah kaa le hnar hup (mask) ningcang tein le pel lo tein i hruk hrimhrim ding

5. Kan kut ah a kai kho mi virus rungrul an thian nakding ah chapiat he second 20 chung a tlawm bik kut i ttawl lengmang ding.

6. Ramdang in a tlung mi cu chawhvahter lo in, amah dang tein (quarantine ah) umter ding; phung lo in a rak tlung mi an um a si le pel lo tein thawng i thanh ding

7. Zawtnak a ngei mi mizaw he a umkal tti mi, zawtnak a si kho tiah ruah mi taklinh, khuhkhuh, rimrua zeihmanh theih lo in um, thawchuah i harh tibantuk tuar ahcun a nai bik ngandamnak siizung asiloah bawitlang sinah thawngthanh colh ding

8. Zawtnak rungrul a ngei tiah hmuh mi he ai pehtlai mi minung kawl khawh nakding rian ah ttha tein i bawmh cio ding.

Chirhchan: Ngandamnak le Zaangleknak Zung Thawngthanh le Tlangau (2020 August 19)

 

 400 total views,  1 views today

This function has been disabled for Chin 11 News.