Hakha Le Thantlang Kar Ah Ralhrang 100 Leng Ke In An Kal

Nihin June 8,2021 Hakha le Thantlang kar ah “ralhrang rallokap minung 100 leng cu ke in an kal lam pi ah kan ton pah hna , ka rel khawh mi ah 109 tiang ka rel khawh hña , motor khatten an um rih , Tita phaklai ah kan ton hña …

Hnu lei atang mi hña cu an tar ngai thaba tuk in lam an kal zaang fak lei tu an si ” tiah khualtlawng mi nih The Chin Post ah anchim. Khoi ka lei dah an kal lai ti cu kan thei hña lo, Lampi ah kan mah zong zeihmanh biahal le check nak a um lo tiah an chim chap . Credit: TCP

Theih Tha taktakmi Relchih Ve Hmanh! (1) Kawlram innpa Thailand cu democracy ram ti asi nain ralkap nih uknak a lakmi ram asi ve. A phung men in democracy ram asi. Thai cozah cu Kawl ralkap i hawitha asi caah ralkap dotu hna caah bochan khawh asi lai lo. A mah sinin hriamnam ngah khawhnak lam cu 100 % ah 1% hmanh lam a um lo.

(2) India hi democracy ram nganpi innpa ah kan i ngeihmi asi ko nain uknak a tlaitu Kawl ralkap he neih deuh in um a duh caah NUG bantuk thazaang pek siloah hriamnam pek tiang cu a tuah lai lo. Nain NUG hna nih Kawl ralkap hi a tei cang lai ti a fiang tik lawngah lulh tiin nan hawitha innpa tha ka si tiin a chuah ve te men lai. A mah sinin hriamnam bawmhnak ngahnak ding lam hi 100% ah 1.5% tluk hrawng lawng a um.

(3) Tuluk hi cu Kawl ralkap lei ah a tang tiin theihmi asi. Cucaah amah sinin bawmhnak ngah ding ahcun a fawi lai lo. Nain NUG nih a tei cang ti a fiang ahcun India bantukin lulh tiin hawikom tha innpa tha ka si tiin a chuah ve te lai. A mah sinin hriamnam bawmhnak ngah khawh nak lam cu 100% ah 0% lawng a um.

(4) US le UK hna nih hriamnam bawmhnak pekding hi cu NUG nih khua nganpi pi a lak khawh siloah minung thong tampi an thi cang ti hrawng lawngah a cang kho te men. An mah sinin hriamnam bawmhnak ngah khawh nak lam hi 100% ah 2% hrawng lawng a um.

Ahodah abiapimi players an si kun lai? (1) Kan mah le kan mah asi. Ralkap minung le phaisa thazaang a biapi. (2) AA asi. Kan innpa hriamtlai thazaang thawngmi sinin pakhat le pakhat hriamnam/raltuknak kongah ibawmhnak a um kho.

(3) KIA le Wa an si. An mah sinin raltuk thiamnak lawng siloin hriamnam bawmhnak lak khawh asi kho. NUG he riantuanti cu naingngaizi caah a tha. Nain hriamtlai dothlennak ahcun Chin innpa AA tibantuk he riantuanti khawh hi caansau Chin hriamtlai dothlennak caah a tha deuh kho men. NUG he AA he riantuanti khawh ahcun a tha chinchin ko hnga ta. Credit: Salai Z T Lian