Hakha Le Thantlang Cu Tukum Thimnak Ah Cun Kan Van A Chia Ko Lai, A Ruang Cu Zumh A Tlak Bak Lo Mi Nung Pa Thum Thimnak I An Luh Caah

Tukum Thantlang le Hakha Cu kan sung ngaingai ko lai dah. A ruang cu MP a cuh ding mi kan pa le zei mawzat cu an dik lonak le an phaisa duh ning, an riantuan ning cu Salai Lung Thli Tum nih an min fangkheh bak in a chim hna i a phung viar hna, cucu mipi nih an riantuan nak thei hna seh a ti caah a si ko i, tutan i mah hna pawl an tlin a si ah cun loh ngaingai kan si ko lai.

Hakha in a zuam ding mi zumhtlak lo taktak tiah acn chim peng mi Pu Sui Thio a riantuan nak an dothlat lengmang tik ah a cawlcangh ning le a riantuan ning cu zapi theih cia a si ko. cu caah tutan i Pu Sui Thio an zuam ter nolh ko hi cu NLD sung sih ti he a khat bak .

Thantlang in tiah Pu Chan Ham Le Pi Ni Sui Lian hi hna pahnih zong hi an kong cu mipi theih ding in Salai Lung Thli Tum nih fiang taktak in a chim peng ko. Rian tuan nak ah zumh an tlak lo ning le pumpak caah, mah miak nak bak a kawl mi an si i, hi hna pahnih zawng hi thimtlak cu an si ruam lo.

Mah zawn ah hin NLD chim chiatnak si loin A minung zumhtlak lo khi chim duh mi a si, mi za le midik mifel an um hnga lo maw, ziah lai paza tampi lak ah mah hna zumh a tlak bak lomi hi an thim hna hnga tihi ruah lo awk a tha hrimhrim lo. Chinmi nih dinnak kan au pi i, kan kaa lawng in kan chim ko. Tuannak le tuah nak ah cun zumh tlak bak lo kan si. Tutan thimnak i a lut ding mi NLD party in minung pathum an thim hna hi cu a poi le a poi taktak khi a si ko.