Tuzaan ah Hakha khuapi chungah bomb a puak than tiah theih a si. A puaknak hmun hi tuan lio an i kah tawnnak Vuanci zung hrawng ah a si tiah Hakha khuami pakhat nih a chim. A puah caan hi zaan suimilam 8:12 hrawngah a si i ralhrang nih an puah mi a si ko lai tiah a chim.
Relchap: BREAKING NEWS: Thantlang ah meithal le bomb thawng a dai taktak rih lo: September 14| Thantlang khua ah 8:00 PM in atu 10:00 PM tiang meithal thawng siseh, bomb thawng siseh a dai kho taktak rih lo, a puak pah lengmang rih tiah kan theih.
“Bomb thawng he meithal thawng he kan theih pah lengmang ko rih. Chaklei Sang, Khualai (Zunghmun sang hrawng) le Thlanglei (Sianginn sang) tibantuk in meithal thawng le bomb thawng kan theih peng ko rih,” tiah khuami pakhat nih The Hakha Times ah a chim.
“Thantlang khua (Thantlang Peng chung) hi August 25 thok in kahdohnak aa pehtlai i cheuthum ah cheukhat hmanh nih khua kan hngak ti lo. Bomb thawng he meithal thawng he kan theih lengmang fawn i tarnu tarpa le mizaw caah thinphan dailo kan si ko,” tiah khua upa pakhat nih The Hakha Times ah a chim.
Tuzaan September 14 zaah hi 8:30PM hrawng in Hakha khua zong ah puahkehnak pehtlai in a thang ve. Source: The Hakha Times.
Leave a Reply