Hakha Khuathar Ah Motorcycle Khawnden Nak A Tong Mi Hna An Min Le An Um Nak Theih A Si Cang

Hakha Khuathar BEHS No.2 Sianginn hmai ah motorcycle pahnih cu June ni 5 zaanlei suimilam 5:30 ah hmaitonh in an i pah i faak ngai in an i hliam tiah thawng kan theih. Hi motorcycle pahnak in hliamhma a tuar mi hna hi Dawrthar Sang um Solomon (kum 18), Bawi Lian Tling (kum 17) le Dawt Cem Thang (Kum 15) an si.

An i pah ning hi fiang in a hmu mi an um lo nain an i pah ning a fah ngai ca ah Hakha Sii-inn ah an tlik pi colh hna. An i cit mi motorcycle cu a pahnih in faak ngai in a rawk. Hi an i pah lio ah cycle pakhat ah minung pahnih aa phirh mi le amah pakhat lawng a ra mi in an i pah tiah kan theih.

Hi an i pahnak hmun kiangkap ah a um mi cheukhat nih an i pah ning hi a fak ngai i an i hliam mi zong a faak ngai. Pakhat cu a lu zong a kuai i a lung zong a fim lo tiah an chim.

Hakha khuachung ah motorcycle pah a um pah lengmang i kum tling lo in motorcycle mawngh lo ding in Hakha PK nih biatak tein a tawlrel tiah kan theih.

 247 total views,  1 views today

This function has been disabled for Chin 11 News.