Hakha Khuachung Thilcang Hi Ngaihchia Taktak A Si, A Hodah A Hrawk Mi An Si

Hakha Siangsangruun No.1 Sianginn Haukulh Mi Min Pawl Ho Ti Theih Lomi Nih Hrawk

Hakha siangsangruun No.1 sianginn thanchonak Committee Pu Chan Hrem hruainak in tuah mi sianginn haukulh mi cu mizei a si ti hngalh lomi hna nih bawmchantu min an tial mi pawl an hrawk tiah Pu Chan Hrem sin in thawng kan theih.

Pu Chan Hrem nih, “Atu bantuk in an tuahsernak hi cu khuaruahhar ngai a si ko. Hakha sersiamnak rian hi kanmah pumpak cio rian a ngei mi kan si. Sianginn thanchonak Committee hna nih a si khawh chung in rian kan tuan ve.

Har lengmang in bawmhnak kan hal, bawmtu hna zong nih ngeih tuk ruang ah si loin kanmah rian a si timi lungput he an kan pek i, kan tuan. Hi kan tuan mi cung ah bawmtu pawl kha an min kan langhter. Min kan langhter mi cu mi zei an si ti hngalh lomi hna nih an hrawh tik ah kan i nuam lo taktak. Hi bantuk minung hi cu Hakha hmanh ah an um ding a si lo,” tiah The Hakha Post ah a chim.

Hakha siangsangruun No.1 i haukulhnak an tuah mi kulh khat ah sing hnih leeng a dih i, nihin tiang kulh 42 an liim cang. A dang tuah ding zong tampi a taang rih. Hi kulh 42 ca ah tangka fang in sing 100 leeng a dih cang tiah thawng kan theih.

Laknak: The Hakha Post