Hakha Khuachung Ah COVID-19 Mizaw Thar Pahnih An I Chap

Pulrai zawtnak nih an kan phak than ning hi cu hlan nakin a rangdeuh chin lengmang ko cang, abik in Kawlram chung ah tulio pulrai zawtnak a si mi Covid-19 cu fak ngai le rang ngai in a karh chin lengmang caah kan umnak hmun cio in ralrin thiam ngaingai zong kan hau chin lengmang ve.

Tuchun ah The Hakha Post nih thawngthanh nak an tuah mi ah Hakha khuachung ah COVID-19 mizaw thar pahnih an i chap tiah an rak langhter. Cu ruang ah hi pulrai in kan luat khawh nak hnga ding ah le ngandam mi kan si khawh nak hnga ding ah ralrin zia kan thiam a herh tuk cang.

ဟားခါးမြို့တွင် ကိုဗစ်ပိုးတွေ့ နှစ်ဦးထပ်တိုး

ဟားခါးမြို့ နတလ FQတွင် စောင့်ကြည့်ထားသူ နှစ်ဦးထံ COVID 19 Positive တွေ့ရှိပါသည်။

Hakha khuachung ah COVID-19 mizaw thar pahnih an i chap.

Hi kong he pehtlai in Chin Ramkulh Ngandamnak le Zaanglek Zung Lutlai Dr. Aung Ngwe San nih, “An sining zeihmanh kan sin ah a phaan rih lo. Zawtnak an ngei ti cu a dik mi a si ko,” tiah The Hakha Post ah a chim. Hakha khuachung ah atu minung pahnih he fonh in zawtnak ngei minung pathum an si.

Covid-19 nih an kan phak ko zong ah lau tuk ding le thinphang tuk in um ding cu kan si ti lo. Asinain ralrin zia kan thiam le zulhphung an kan ser piak mi hi felfai tein kan zulh tu kha a biapi mi a si ko.

Source: The Hakha Post