Hakha Keitheibo Sang Chiatthat Bu Mino Nih Hakha Facility Quarantine Hakha College Ah Eidin Ding An Bawmh Hna

Hakha Keitheibo Sang Chiatthat Bu Mino nih Hakha ah COVID-19 zawtnak hrik an ngeih le ngeih lo zohchungnak hmun Hakha Collage ah eidin ding voksa cuai 10 le kawpi hlum (lubuk) cuai 5 cu May 19 zing ah an bawmh hna tiah thawng kan theih.

Hi bawmh .mi kong he pehtlai in Hakha Keitheibo Sang Chiatthat Bu Mino President Salai A Paw nih “Atu kan bawmh mu hna hi sang min in cun a voi khatnak a si.

Asinain midang bawmh mi hi tampi kan tawlrelpiak cang hna. Keitheibo Mino nih kan ti khawh tawk in Hakha COVID-19 Response Committee he zong rian kan tuanti pin ah Sang chung ah siseh, Hakha khuachung zong ah siseh, kan cawlcang,” tiah DVC ah a chim.

Hakha Keitheibo Sang Chiatthat Bu Mino nih Hakha COVID-19 Response Committee le Cozah riantuantu gate hngak mi ca ah Su Hlaing Win Family nih bawmhnak pek mi cu May 5 ah pek le chuankhin tiang in tuanvo an rak laakpiak hna.

Hi hnu zong ah pekchanhnak tuah rih ding le bawmhchanh ding in timhlamhnak an ngei, tiah thawng kan theih.

Source: DVC

 118 total views,  1 views today

This function has been disabled for Chin 11 News.