Hakha In A Pe Dingmi NLD An Ifiang; By Zasang Cinzah

Hakha in aa pe dingmi ahhin official tein aa fiangmi cu NLD lawng an si rih. USDP le CNLD lei hi an ifiang rih lo. Cucaah, NLD in aa pemi an dirhmun hi tlawmte in zoh hnik usih.

Hakha ahhin Amyotha Hluttaw hi seats 2 a um. Dr. Aye Aye Ngun le Pu Ngun Vung an si lai. Cun, Pyithu Hluttaw in Pu Tial Ling a si.

Amyotha Hluutaw 1,2 (Chin State Aiawh)

Dr. Aye Aye Ngun hicu, aho nih an chuah hnawh zong ah a caah hna a ngam ngai. Ka zumh ngai. USDP le CNLD lei in zuamcawh ding zong nih an zenh pah ko lai. Dr. Aye Aye Ngun cu a tling cia khan ah ka ruah.

Pu Ngun Vung belte hi cu CNLD le USDP lei zuamcawhtu nih an ngamh pah men lai tiah ka zumh. Asinain a rak zuamhcawhtu ding minung cung ah tampi aa hngat ve te lai.

Pyithu Hluttaw (Hakha Peng Aiawh)

Hakha Peng aaiwh Pyithu Hluttaw hmun in aa cuh dingmi Pu Tial Ling a konglam hi ka theih khawh tawk ahcun Chinmi nih Pa ah kan ingeihmi pakhat a si ve. USA ah Pu Lian Cin nau a si an ti. A cheu hmurka ahcun, Pu Tial Ling tbk hna an ipek i, kan vote hna lo ahcun aho hlei khidah Laimi nihcun kan vote hnga tbk tiang in an ruah. Cucaah, USDP le CNLD lei in zuamcawhtu hi an vivak a tthat tuk lem lo ahcun Pu Tial Ling hi Hakha Peng aiawh MP caah a sinak nih a tlinh ko. Naypitaw lei a kal tikah Chin miphin hmai a hngalter kho ding a si.

Chin State Hluttaw MPs 1,2

Chin State Hluttaw ah a thu dingmi hmun 2 ahhin Pu Zo Bawi le Pu Sui Thio an si. Anmah pahnih hi kum 5 an ttuan cang. Pu Zo Bawi hi 2015 ahkhan Hakha in a tlingmi a si. 2020 ahhin hmunhma an pe rih lai maw? timi hi question ngai a si. CNLD nih thawngthanhnak an von tuah cang ka tein mipi reaction ka zoh tikah Pu Zo Bawi le Pu Sui Thio hi an dirhmun aa ttha lem lo. USDP le CNLD lei in a rak zuamcawhtu minung an ifiang tikah anmah pahnih kong hi fiang deuh in chim khawh a si te lai.

 158 total views,  1 views today

This function has been disabled for Chin 11 News.