Hakha COVID-19 Case-150 Sii-Inn In Chuahter A Si Cang Lai

Hakha COVID-19 Case-150 cu voi thum tiang a ngandamnak chek a si i, a voi thum ning tein a takpum chung ah COVID-19 rungrul hmuh a si ti lo (Negative) ca ah sii-inn in chuahter timh a si, tiah kan theih.

Chun hnu cun, sii-inn in ka chuak cang lai. Ka ngandamnak voi thum tiang an ka chek i a voi thum ning tein negative ka si. Sii-inn in ka chuah hnu ah ni 14 chung ka ngandamnak zoh ka si rih lai. Acu belte, khoika Quarantine ah dah an ka chiah te lai, ti mi tu cu ka hngal ve rih lo,” tiah COVID-19 Case-150 nih DVC ah a chim.

Chin Ramkulh ah COVID-19 zawtnak a ngei mi minung 6 an si i cu chung ah Tedim sii-ah a um mi COVID-19 Case-1 le Hakha Sii-inn ah a um mi Case-150 cu sii-inn chuahter an si cang.

Myanmar ram, May 13, zinglei 7:00 tiang ah COVID-19 zawtnak a ngei mi minung 180 an si. A dam mi minung 76 an si i sii-inn in chuahter mi minung 64 an si. Cun, a thi mi minung 6 an si, tiah kan theih.

Source: Democratic Voice of Chin-DVC

 161 total views,  1 views today

This function has been disabled for Chin 11 News.