Hakha Ah Quarantine An Chiah Mi Hna Hlasak Nak An Ngeih Piak Hna

Uar an um tuk hringhran ko hna. Quarantine an chiah mi hna pawl umhar le lileng in an um sual lai tiah hla dawh in an hlawi tu hna Hakha Covid-19 Response Committee pawl. Tulio Hakha Collage ah Facility Quarantine an an chiah mi hna pawl hi minung 51 an si hna.

Avoikhat nak check-up an tuah hna ning ah cun an dihlak in Negative an si dih hna I thaizing ah voihnih nak zong check-up an tuah than rih hna lai tiah theih a si.

Cu Facility Quarantine an chiah mi hna chung in minung 15 zong tuchun ah khan inn lawinak nawl an pek cang hna.

Hakha Collage ah minung 51 Quarantine an chiah mi hna pawl hi lileng le umhar in an um sual lai tiah an ti hna caah Hakha COVID-19 Response Committee hruai nak in hlasak nak an ngeih piak hna hi a si.

Note: ruahchih ding ah Facility Quarantine an chiah mi hna pawl khi an hmanthlak zoh tikah Room pakhat chung ah minung tamdeuh a um mi an lo ngai hna.

Room pakhat chung ah minung tamdeuh in an chiah hna  a si ah cun an lakah mi pakhatkhat nih zawtnak a ngeih ah cun a dammi midang kha pei zawtnak a chawnh dih ko hna lai cu. Hmanthlak na zoh ah khin Room pakhat ah minung tamnawn in um dawh an si ko tin a ruat ve maw.

Source: Chin World

 181 total views,  2 views today

This function has been disabled for Chin 11 News.