Hakha khuathar ah meihri a zam mi mino 20 leng cu ralhrang nih Helicopter cungin an kah hna, mah hna pawl hi NLD cozah chan in vulei -Ekah 600 cungah a rak tuahmi ralkap nih an pehzulh mi a si tiah mi pakhat nih a chim.meihri zam nak ah a tel mi hi minung 20 leng kan si i ralkap hi zeitik ah kan sin an phak kan thei lo, mah an kah hna hi suimilam 1:00 hrawngah a si.
Ralkap hi minung 40-50 karlak hrawng an si i kan tihtuk hna i kan zaam dih tiah an chim. mah kahnak kongah hin phu 3 ah kan zaam hna i phu khat a zaam mi cu helicopter in an kah hna. Mah an kan kah hi CDF ah an kan ruah caah a si lai tiah an zumh. Meihri a zaam nak cu kohkun tang lam thar ah a si tiah a chim. Mah an kah mi hna hi a thimi le a hliam mi a ho hmanh an um lo.Zalen
Relchap:awlram chaklei hawikom hriamtlaibu 3 a si mi AA, MNDAA le TNLA hna nih covid le kahdohnak ruangah Kawlram mipi harsatnak ruah in ralkap cawlcanghnak vialte ngol cio dingin nihin September 4 ah cathanh an chuah.
Cathanh nih a langhter ningah ralhrangbu nih February 1 ah rampi uknak a lak hnu dai tein duhlonak a langhter mi hna cu ralhrangbu nih an thah hna, an tlaih hna ruangah ramchung hmunkip meithal a puah.Kahdohnak zong a zual.
Kawlram chung covid-19 zawtnak ruangah mipi nunnak tampi a liam, eidin, chawlehnak zong harsatnak tampi an ton pin ah ramchung hmunkip ah kahdohnak ruangah mipi nih harsatnak fak piin an in.
Ralhrangbu nih thazaang tampi an i chap, hriamngan in khua an kah, mipi an tlaih hna, an thah hna ruangah kahdohnak a karh chin lengmang mi a si.
Cucaah, covid-19 runvennak kongah pawngkam ram le vawleicung covid runvennak phu hna he tuanti ding le mipi nih atu nakin harsatnak an ton ti lo nak ding caah rianngeitu vialte nih lam kawl cio ding le mipi harsatnak a pe khomi ralkap cawlcanghnak vialte hrial le dinter dingin pehtlaihnak a ngei mi bu vialte hna sin ah kan in forhfial hna tiah cathanh an chuah.
Ref; WN
Leave a Reply