Hakha ah kahdohnak a um tik ralrin ding le zeidah tuah ding thawngthanh

IDPs Kong Thawngthanhnak Biapi

Mahle Khrihfabu cio ah tulio kan sining kong i HTPHIMC nih thawng i thanh ding timi lakin himnak lei tuanvo latu phu nih ahran an tuah chungmi cu a tanglei bantuk in kan hun langhter.

1. Hakha khua chungah kahnak a um ahcun aa naihbik himnak hmun le Biakinn ah i dor ding.
2. A si khawh ahcun mah inn cio ah him deuhnak hmun tawlrel ding, khor i cawh ding.
3. CCU le CCF cu i dornak hmun ah tawlrel ding.
4. Himnak Kong ah mahte in siseh, innpa chakthlang sang le veng in siseh, mah le Khrihfabu cio zongin siseh tawlrel cio ding le i bawmhchanh cio ding.

5. A si khawh chung khua chung i i kahnak a um lo nak ding caah kaphnih hriamtlai hna chawnhbiak ding.
Mah hna hi a tlangpi in an si. Thawngpang thar rel khawh i zuam lengmang hna u si. Public Relation Team, HTPHIMC