Graduation Uniform He Chin Mino An Hmanthlak Ka Zoh Hna I, An Idawh Khun

Kan Hnuzarh/Last Week kha USA Graduation Weeks a si. Graduation uniform he Chin mino an hmanthlak ka zoh hna i, an idawh khun. Nunnak chawlehnak/investment ahhin a ttha bikmi cu “Education” a si ko. Education is the best investment in life.

Covid19- Pandemic nih fiangte in a lanhtermi cu, “Non-Essential Works” cu a him/safe. A hlawh a ttha. An tha a dam. Rian thianghlim a si. Cu long hlah, upatmi/limhang a ngeimi rian an si. Non-Essential Works a ttuantu pawl cu, an no lio¬†ah graduation unifrom a rak uar ngaimi, tei a rak mami, le an hawile an inawmh lio caanah cazoh/studies aa thimmi pawl an si. An no lio ah cazoh/studies in an caan an rak hmangnak theipar cu an upa hnu ah nawmnak in an zun ve. Virus le mizaw lakah riantuan loin inn te ah an um kho.

CoronaVirus le a zawwmi karlak ah ttih bu tein tuan a haumi rrian cu, “Essential Work” an si. Essential Works pawl cu ttih a nung. Re a thei. Thlan a chuak. Riantuannak ah isiknak le ithlanglamhnak a tam. A thurhnawm pin ah a nihlawh an niam. Hibantuk rian aa tuanmi pawl hi, a no lio ah sianginn kai a huam lomi, cazoh/study huam loin, nawmhnak, game kah le vah in a caan a rak hamngmi an si. An no lio ah caan pek an huam lo caah, an upa hnu ah an huam lomi rian, nihlawh a niammi, le ttih a nungmi riantuan in an nun an hamng ve.

Cucaah, kan hnu zarh ah uniform he hman aa thlakmi kan nau le vialte kha kan lawmpi tuk hna. Nan no lio ah caan nan pekmi vialte kha hmailei nan upa tikah a theipar nan zun caan a phan hrim lai.

Note: Essential work ahhin Medical le Skilled workers hi ka chim duhlo siloin, warehouse le a dang rian har paoh kha ka chim duhmi a si.

Credit: Zasang Cinzah

 133 total views,  1 views today

This function has been disabled for Chin 11 News.