Good News: Yangon Khuapi Chungah Bomb A Puak Uico Ralhrang 2 An Thi

Yangon ramthen, Taikkyi ( တိုက်ကြီး ) khua ah tuni zing suimilam ( 6:00 am ) hrawng ah bomb vui ( 3 ) tiang a puak i ralhrang ( 2 ) an thi tiah khuami hna nih Yangon Khit Thit Media ah thawng an rak thenh.

Taikkyi ( တိုက်ကြီး ) khuachung, Chanmyathazi (ချမ်းမြသာစည် ) lam pawng gate ah tuni January ( 21 ) ni zing suimilam ( 6:00 am ) hrawng ah bomb vui ( 3 ) tiang a puak i ralhrang ( 2 ) an thi a khawngmi zong an um tiah thawng theih asi.

” Bomb vui ( 3 ) tiang a puak, ralhran ( 2 ) cuka hmun ahcun an thicolh. Hma a ingmi zong an umrih. Bomb a puah hi zing suimilam ( 6:00 am ) hrawng ah asi ” tiah khuami pakhat nih a rak chim.

Yangon khuachung ah ralhrang pawl chekhlet nak an tuah i an thilthuam i hruk lo in mipi lak ah an i chawk. Tuni January thla ( 21 ) ni zinglei zongah North Okkalapa lamton nak zongah mawtaw an kham hna i chekhlet nak an tuah tiah khuami hna nih an rak chim.

” North Okkalapa lamton nak leiah a kal lei he a kir lei he lam an phih i mawtawka pawl an kirtar than hna. An zumh pahlo mi hna mawtawka pawl cu an chek hna. Mawtaw cu lam thluang thluan pi in a pit dihko. Riantuan a tlungkal mi pawl harnak an tong dih ” tiah khuami pakhat nih cun a rak chim.

Relchap>>>>>>>Karenni ram, Loikaw kha, Mong Lone ( မိုင်းလုံး ) sangah a um mi Technological University pawngah tuni January ( 21 ) ni zing suimilam ( 11:00 am ) hrawngah hriamnam nganmi, hriamnam fami thawng a thang i in pakhat zong a kang tiah thawng theih asi.

” Technological University pawngah in pakhat a kang. Kan ruah nak ahcun ralhrang nih an khangh mi asilai tiah kan ruah, hriamnam ngammi cu tutiang zong an thlah thluahmah k0. Ralhrang pawl nih cun meng ( 6 ) hmun hma lai in an rak kah, Ywartanshey ( ရွာတန်းရှည် ) le Mong Lone lei in meithal kah thawng cu kan theih ” tiah Karenni Deomcratic Front ( KDF ) lei biachim nak nawl a ngeimi pakhat nih Yangon Khit Thit Media ah a rak chim.

Nizan January thla ( 20 ) ni ah Biluchaung ( ဘီလူးချောင်း ) pawngah uknak chutmi ralhrang le Karenni Democratic Front ( KDF ) karlak ah kahdoh nak tlawmpal a rak um i PDF lei in ( 1 ) a khawng tiah Karenni Democratic Front ( KDF ) lei nih thawng an rak thanh.

” Ralhrang lei nih ram an thenh ( နယ်မြေရှင်းလင်းရေး ) ruangah kan mah lei ah an rak lut sual lai ti kan phan ruangah keimah nih hlethlai nak ka vatuah lio ah ralhrang pawl nih an ka hmuh. Kan mah lei in ( 1 ) sinper in an khen. An mah lei in an kan kahmi hi a tam, kan mah lei in cun mahtluk in kan kap hnalo. Kan mah lei an khenmi lakkhawh nak ding ca lawngah kan kah hna ” tiah KDF lei tuanvo ngeitu pakhat nih a rak chim.

Sinper in an kahmi PDF pakhat cu thinphan a um ngai, meithal kuan nih a keng lei in a khen i a cuap ah kuan cu a tan ruangah khuaihlai a haulai tiah KDF sin in thawng theih asi.

Be the first to comment

Leave a Reply

Your email address will not be published.


*