Good News Van Ti Than Ko Sih! CNF Pu Zing Cung Le Zomi Chairman Pu Go Sawm Khup Tonnak Kong!

Tulio Boruak Ahcun thawngpang ngaih nuam taktak si. Hmun khat kan dir ti ahcun Chin ram Chin Vawlei Cu kan ven khawh hrimhrim Lai! Tutan Thil a cangmi Cu, Chin National Ralkap pakhat dirhti dingin Zomi Innkuan USA hruaitu pawl le Chin National Front Chairman Pu Zing Cung cu ton biaruahnak an ngeih kho.

1. Chinram (zogam, zoram) ah ralkap thawng pakhat lawng hi um sehlaw, tanhpi awktlak hriamtlai phu khat lawng um seh ti hi Zomi family nih kan duh mi a rak si. Chinram (Zoram) chungah ralkap buu 2,3 an um ahcun anmah le mah an i el ramri cuh ti bantuk in buainak a chuak chin lai. Kan ram caah asi khawh chungin kan hruaitu le kan mino hna nih khua fakpi in nan kan ruahpiaknak lai kan in nawl duh hna.

2. Kan ram democracy Kong he pehtlai in U.S lawng si loin Malaysia, Australia, New Zealand ummi pawl nih nan kan theihthiam piak dingah kan duhmi cu Ramthum nak a ummi Zomi Innkuan USA phu nih kan i ceihkhan mi chungin kan kawlram cu uknak pahnih in a um cang i, mipi nih an thimmi cozah an dir cang.

A rauh hlan ah abuai dih ding dirhmun kan si cang. Thlacam bu tein kan ram Federal kan hmuh tik zongah miaknak zong a um lai bantuk in mawhphurhnak zong a ngan lai. Mah tik ah kan ram humhimnak ding caah kanmah ramleng ummi hna kan si khawhnak lei in bawmhchan khawhtu ding kan um ahcun, Malaysia ummi nih ZAM hruaitu hna sin zongah pek khawh si. Mah kan hmuhmi phaisa hi mipi duhnak tein phawtzamhnak kan tuah than te lai.

3. Kan ram i ralkap kan i ngeihmi hna Zomi Revolution Army (ZRA) he dirhmun ai khatmi Chin National Front/ Chin National Army (CNF/CNA) lei in Commander in Chief le Chairman Pu Zing Cung nih kawlram kong ceihkhan dingin kan in duh hna tiin a kan ti tikah lunglawmh tein kan cohlang hna. Cun, CNF/A lei le Zomi Innkuan USA upa hruaitu pawl zong bia tha tein kan i ruah kho. Mi cheukhat nih cun Chin timi tangah nan um an kan ti ko, asinain mah kha siloin anmah zong nih ruahnak an kan cheuh ve i kan mah lei zong nih kan cheuh ve hna.

Anmah lei zong thathnemnak an ngeih ve lai kanmah lei zong cu thiam” kan si ti mi kha kan thanh duh hna. Hmailei zongah hmalaaknak ngeih ti ding le timhtuahnak ngeih le ttantti hi a tha cem ko timi hi chimh ka duh mi hna a si. Chin National Front/ Chin National Army (CNF/CNA) le Zomi Revolution Army (ZRA) hna Kawl ralhrang buu hi hmailei ah dohti dingin hnatlaknak an ngeih kho, tiah anmah lei Zomi Innkuan USA Chairman Pu Go Sawm Khup nih thawngthanh nak a tuah hi a si.

Note: CNF/A Chairman Pu Zing Cung le Zomi Innkuan USA upa pawl an tonnak kongah Zomi Innkuan USA Chairman Pu Go Sawm Khup nih video in thawngthanh nak a tuahmi chungin lakmi a si. Credit: Cherry Par