Sagaing ramthen Tanhse peng nitlak lei ah a um mi Daunghyi khua lei panh in Ralhrang motor pahnih cu tuni August 16 zing suimilam 8: 40 hrawngah mine Bomb in an puah hnawh hna i a thimi tampi an um tiah theih a si.
Ralhrang phurtu private motor pahnih hi Daunggyi khua lei an panh lio ah khuachung luh lai signbordtarnak pawngah Tanhse PDF nih mine bomb in an puah hnawh hna hi a si. Motor pakhat hi cu a sop phut ko tiah theih a si. A thi mi an tampi lai tiah PDF ralkap pakhat nih cun a chim.
Mah kong ah hin khuami pakhat zong nih bomb a puah thawng a thang taktak i, minung pa zeizat an thih le an i hliam ti cu a ho hmanh nih va zoh ngam an si lo tiah a chim. mah bomb puahnak ah hin an mah ralhrang motor nih an hung lak hna tiah mit hmutu sin in theih a si. zahan zaan zongah bomb a puak cang tiah theih a si.
Bomb a puah hnu in tlawmpal ah YiOo khua in ralhrang pawl motor in Tanhse ah an kal cuahmah , cun tuzing suimilam 9:00 hrawngah zongah khan ralhrangpawl lam hruaitu hna Maung Myo timi pa sii a zuarnak dawr chungah meithal puah thawng voithum theih a si hnu ah palek nih an van panh hnu zongah a puak chap tiah theih a si.
Leave a Reply