Sagaing ramthen, Kawlin peng ah Ralkap motor pahnih cu PDF nih bomb an puah hnawh i Uico Ralkap 30 hrawng an thi tiah Khit Thit Media nih a tarlangh.
Hi thil a cannak hi Sagain ramthen, Kawlin peng nichuah lei, Phalay khuate pawng Hpakant le Mandalay karlak motor lam ah a si. Nihin zaanlei suimilam 5:00PM hrawng ah khan ralkap motor pahnih cu PDF nih Bomb an puah hnawh hna hi a si i cu ahcun ralkap lei 30 hrawng an thi ti a si.
“Kawlin peng, Phalay khuate hrawng ah ralkap nih sualnak ngei lo mipi an tuaitam hna, lothlo mi an tlaih hna i minung pakhat zong an kah. Sualnak ngei lo mipi cung ah tharung an hman hmasa ruang ah kan zohsawh kho ti hna lo. Cu caah Phalay khua in an chuah lampi ah kan kah hna. Zaanlei suimilam 5:00PM in kahnak a chuak i 5:30PM tiang hrawng kan i kaap, an motor cu bomb kan puah hnawh i a thi mi 30 cu a si hrim lai” tiah PDF lei nih Khit Thit Media sin ah an chim hi a si.
Nihin zaanlei kahnak cu PDF zong minung kan tam, kan hriamnam a tam. Cu caah ralkap pawl cu namchan in an zaam. Zaam hna hlah sehlaw cu an dihlak in kan thah dih khawh hna lai tiah PDF lei nih cun an chim hi asi.Kokek Journal
Leave a Reply