Good News Tamu Kahdohnak Ah Min Aung Hlaing Uico Tam Taktak An Thi!

Tamu Kahdohnak ah Myanmar ralkap 13 an Thi; Nihin Tamu khua ah chun sml. 11:30 in 12:45 tiang hrawng ralkap le mipi karlak kahdohnak a chuak i ralkap lei in minung 13 an thi, tiah thawng kan theih. Tamu khua ah chungkhar he a um mi Laimi pakhat nih, “Nihin chun 11:30 hrawng khan an i kap.

Kan umnak Sadaku sang pawngte ah a si i, a tu hi innchung ah kan i thup ko hna. Lenglei in meithal kah thawng le puah thawng cu a thang lengmang ko,” tiah a chim. “Mipi lei in a thimi zong an um. Leng kan chuak ngam hna lo i thil sining fiang in kan thei lo. Ralkap 10 lengpi an thi tiah an chim cu kan theih,” tiah Tamu ummi Laimi pakhat nih a chim. Nihin Tamu kahdohnak ah mipi lei in minung pahnih an thi i, ralkap lei in minung 13 an thi, tiah Mizzima nih a langhter. Credit: The Chin Journal

Relchih ding: A donghnak bochan tlak taktak cu Pathian lawnglawng a si; Kan ram buainak kongah tuan ah cun US kaa bochan ngai hna, a ruang cu Kawl ralkap a tu lai bantuk in an um. Si nain zeimanh an si lo. UN le R2P an cawlcang than Kawl ralkap a tu lai bantuk in bia an chim caah ka zumh ngai than hna Lam zong an ngei ka ti, Sihmanhsehlaw zeihmanh an si than hui lo. Kan Lai ralkap tal ka ti hna zeihmanh a um hlei lo. An dihlak in an ka deuh cikcek.

Kan Bible nih minung i bochannak cun bawi i bochan a tha deuh bawi i bochannak cun Pathian i bochan a tha deuh a ti mi kha a dik tuk ka ti. Nihin ni tiang ka bochanmi hna nih zeihmanh an tuahmi a um lo. A fawi nak cun minung rak i bochan cu a donghnak ah mi hlengtu lawng te an rak si. Kan tuah lai an timi zong an tuah lo. An tuahmi zong kan duhmi le kan herhmi taktak an si lo.

Sinain ka lung a dong hlei lo. Zeicahtiah minung ka bochanmi hna bochan an tlak lo tikah Pathian kaa bochannak khin a thawng deuh. Minung lei bochan ding an um ti lo tikah bochan ding Pathian lawng a taang. Ka zumhmi pakhat a um. Cucu zeidah asi tiah, Israel mi hna kha Egypt ram in an chuak i Canaan ram an luh lio ah Pharoh ralkap nih thah dingah an dawi hna.

Celngel ah Rilisen nelrawn an um lio ah Pharoh ralkap nih Israel miphun cu an phanh hna. Israel mi caah lam a pit. An hmai ah Rilisen, an hnu ah Pharoh ralkap. Minung ruahnak cun luatnak lam a um ti lo. An dih. Sinain cu ti an minung ruahnak a dih i chimpit vansang an um ko lio caan cu Pathian a rak i phuannak ah a cang. An hmai Rilisen pi cu Pathian nih a chah piak hna i anmah thazaang in tei khawh lo dingmi Pharoh ralkap cu Pathian nih a doh piak hna.

Pathian nih Ti hmang in Pharaoh ralkap cu a tei piak ko hna. Nihin kan tonmi thil zong hi minung lei ruahnak cun lung a dong. Luatnak lam a um ti lo. Sinain Pathian nih kan dirhmun a theih, kan aunak a theih ko. Caan rau lo ah Pathian thawnnak a lang lai i hi misual kawl ralkap hi a ruang hmanh theih lo in an lo dih te ko lai. Cucaah lung dongh ding si lo, Nangmah minung ruahnak le thazaang na bcohan chung cu na lungre lam thei chin lai. Pathian sin ah na thilrit rak chan deuh. Amah sin lawngah luatnak a um. Credit: Tluang Ceu Thang