Good News Taktak Si Than Hih! Min Aung Hlaing Cu A Ralkap Nih An Tlik Tak Hoi Cang!

Ralkap 3 an meithal he an tli! Nihin zing ah khan Pyae Myo hmunkhuar ralkap sakhan pakhat i a ummi ralkap 3 cu an meithal i put in an tli. Cu ruang ah cun ralkap nih nihin zing thawk in Pyae khuachung aa chawkmi motor le Motorcycle tiang an check dih. Cheukhat ah cun Ehsazin zong an check.

Mah a zammi ralkap pawl cu a tutiang an umnak theih a si rih lo. Anmah hi sakhan no.959 mei le seh lei ralkap an si i Khuazei an tlik zong theih si lo. An kut tlaihmi meithal he an zam. Ral ser duh cun si lai lo dah tiah khuami pakhat nih Ayeyarwaddy news ah a chim. Credit: Tluang Ceu Thang

Nihin Chun Thawngpang dang: Malaysia nih Myanmar Kong ah Thil Phun 3 a Hal;- Indonesia ram, Jakarta khuapi ah April 24 ah tuahmi Asean ramhruaitu hna tonpumhnak ah Malaysia Prime Minister Tan Sri Muhyiddin Yassin nih Myanmar kong ah thil 3 halnak a tuah, tiah kan theih.

Cu hna cu: 1. Myanmar ralkap nih sualnak ngei lo Myanmar rammi pawl pehzul in a thahmi hna hi arianrannak in ngol ding.

2. Ralkap uknak duhlo langhternak le cawlcanghnak ruang ah tlaih a tongmi ramkhel thongtla vialte thlah dih ding.

3. Asian Chairman le Asean Secretary General hi Myanmar ah luhnak nawl pek i, atulio Myanmar kong ah ttuanvo ngeitu bu kip he tonnak nawl pek ding timi hna hi an si.

Nihin ah tuahmi Asean Summit hi suimilam pahnih chung ah lim ding a si nain suimilam pakhat caan an sauh. Myanmar kong ah zapi lungtlinnak an tuahmi zong a um i cu lungtlinnak cathanh cu a rauh hlan ah zapi sin theihternak an tuah te lai. Credit: The Chin Journal