Sagaing ramṭhen, Kani peng ah SAC ralkap nih hram an bunhnak Communication Tower sakhan cu tualchung hriamtlai PDF nih an kahdoh hna hnu ah, cu sakhan cu an laak. Hriamthil tam ngai zong an laak chih tiah NUG cozah runvennak lei vuanci zung nih cathanh a chuah.
SAC ralkap 30 hrawng an umnak Communication Tower sakhan cu Yinmabin pengkomh PDF battalion 1 nih nizan April 17, zinglei ah an va kahdoh hna, minutes 20 hrawng an kahdoh hna hnu ah sakhan cu an laak khawh tiah theih a si.
Relchap>>>>Kachin Baptist Chruch ah ruahnak petu Rev. Dr. Hkalam Samson cu SAC nih thongthlak ding in bia an khiakpiaknak cung ah American nih fak piin a al i, thonginn chung in chuah ding ah US Foreign Ministry zung nih cathanh an chuah.
Rev. Dr. Hkalam Samson cu SAC biaceih zung nih phungning lo pehtlaihnak Act upadi section 17(1) in kum 2 thong, Yarzatatgyi section 505(a) in kum 1 thong le ralhrang dohnak upadi section 52(a) in kum 3 tiin kum 6 chung thong thlak ding in April 7, ah bia an rak khiahpiak.
US Foreign Ministry zung an cathanh chung ah Biaknak lei hruaitu zong a si i upat tlak Rev. Dr. Hkalam Samson cu a zumhmi le a pommi cung ah fek tein a dir ngam caah SAC ralkap nih an tlaih, tiah an langhter.
Rev. Dr. Hkalam Samson cu, Kachin ramchung ah daihnak a len khawhnak, rithaisii a loh khawhnak, tlukruannak hmuh khawhnak le Kachin ralhrial sing 1 an him khawhnak ding ah biatak tein rian a ṭuanmi a si, tiah theih a si.
Myanmar ramchung ah Biaknak lei rianṭuantu hna tlaihkhihnak ngol ding le an Biakinn hrawhpiak ngol ding in US Foreign Ministry zung nih SAC cu a forhfial, tiah theih a si.
Crd.. TCP
Leave a Reply