Monywa Thonginn In Ramkhel Thongtla 30 Leng Luatnak An Hmu
==============
January 4, Kawl Independence ah SAC nih thongtla luatnak a pek mi hna chung ah Monywa thonginn in thongtla 74 luatnak an hmu tiah tualchung media hna nih an langhter.
Luatnak a hmutu hna chung ah pa 64 le nu 10 an i tel, cu chung ah pohmah 505(a) in luatnak a hmutu hi minung 34 an si tiah theih a si.
SAC nih hramhram nawlngeihnak lak an timh hnu ah tlaihkhih a tong mi hna cu ni biapi ni ah luatnak an pek tawn hna hi a voi 7 nak a si cang.
SAC nih uknak a lak kum 2 tluk deng ah thongtla 59629 cu luatnak a pek cang hna i, luatnak a hmutu hna chung ah cun ramdang mi 239 an i tel.
Relchap>>>>>>Matupi SAC Ralkap Camp Chung Ah Nu Pakhat Thilak In An Hrem,Thla 6 Hnu Lawng Ah Chungkhar Nih An Theih
======================
Chinland, Matupi khuapi hrambunh SAC ralkap camp in ralkap 2 hna cu Meithal zuun 3 he 2022,April 21 ah CDF- Mindat sin ah an rak tli.
SAC ralkap 2 an zam a thaizing ah Matupi khuami nu 6 tel in minung 7 cu SAC ralkap nih an rak tlaih hna i an camp ah an kalpi hna hnu ah a tlizam mi ralkap 2 nan bawmhchanh hna tiah an hrem hna, Cu hna lak ahcun Matupi khua um mi Vankai khuami kum 30 tluk upa Nu Dezin zong ai tel ve tiah theih asi.
Dezin an tlaihnak thla 6 a rauh tiang ah chungkhar he tonnak nawl an pe duh hna lo i khoika an chiah ti zong an chim duh hna lo,Kan hnu naite ceo ah Dezin a chungkhar hna nih rianngeitu upa hna an hal tik hna ah nikum june thla ahkhan an hremnak ah a thi cang tiah an chimh hna, Nu Dezin a thi cang tinak catlap zong tutan i thilfiang an hngalh hnu lawng ah biaceih zung nih a chuah piak hna tiah theih asi.
Nu Dezin he an tlaih i mi pa pakhat zong a tutiang chungkhar nih an tong kholo i khoika an chiah? a thi maw a nung? ti hngalh a si lo.
Chinland ram Matupi khua hrambunh ralkap camp ah mizapi 2 an thah cang hna, 2022 December thla ah Phanai khua mi pakhat an rak thah bal cang.
Leave a Reply