Good News: Raltuk Dingin A Kal Mi Ralhrang An Phomh Hna Minung 13 An Thi

Tanintharyi ramṭhen, Palaw peng ah rallam a sialmi SAC ralkap cu bomb puahhnawh an ton caah 13 an thi, tiah King Cobra phu sin in theih a si.

March ni 21 zing suimilam 10:30AM ah Palaw peng Minhtein le Pawet khua kar ah ah ke in rallam a sialmi SAC ralkap 200 hrawng cu bomb lung 6 in puahhnawh an ton caah kaphnih kar kahdohnak a chuak, tiah theih a si.

Zing suimilam 10:30AM ah a voikhatnak kahdohnak a chuak i minutes 25 a rau. A voihnihnak kahdohnak minutes 20 chung a chuak ṭhan i, kahdohnak le bomb puahhnawhnak ah SAC ralkap 13 an thi, tiah theih a si.

Cu kahdohnak ah KNDO၊ King Cobra Force, PDF Company 3, KPDF, Nagamin le Commando phu hna i bawm in an kah hna, tiah theih a si.

 

Cu pin ah Sagaing ramṭhen, Myaung peng Kyaukyit in Tayetthar khua lei ah rallam a sialmi SAC ralkap cu, march ni 22 zan suimilam 9:48PM ah hriamngan in kan kah hna caah SAC ralkap 3 an thi, tiah Bo Nay Toe Guerrilla phu nih an langhter.

Cu kahdohnak ah Bo Nay Toe Special Guerrilla, Bo Tauk Htun MBTT, Sagaing pengkomh Battalion 6, Company 3 hna i bawm in an kah hna, tiah theih a si.