A luancia mi August ni 3, 2021 lio ah khan Shan ram kulh chak lei Pansai timi khua ah Kokang hriamtlai a si mi phu Myanmar National Democratic Alliance Army (MNDAA) le ralhrang pawl karlak ah i kahnak a chuak i MNDAA nih Min Aung Hlaing ralhrang pawl cu Ralbawi ngan minung pahnih telh in mi 5 an thah hna tiah thawngtheih a si.
Hi kongah hin khuami pakhat nih an i kahnak ah ralhrang lei in Duh ttat zin hmu ( deputy batlion commander) le Duh ttat khuai hmu telh in minung 5 cu MNDAA lei nih an thah hna tiah theih a si.MNDAA lei hi a thi mi le hliam a tuar mi an um lo tiah a chim.
Uknak firtu Min Aung Hlaing ruangah kawlram mipi minung tamtuk kan thi cang bantuk in an mah ralhrang pawl zong tampi an thi i an nunnak a liam cang. Ramch7ung minung hi zat lawmmam kan thih hi a ho ruangah si loin Nawlngeihnak latu Min Aung Hlaing ruangah a si ko.
Relchap: Ramri Kong Ah Assam Assembly Dinhter Chung A Si; Assam assembly ah Mizoram ramri buainak kongah cozah MLA le opposition pary MP kar i el nak fak piin a chuah caah speaker nih assembly cu minute 40 chung a dinh ter.
Opposition party a si mi Congress, All India United Democratic Front (AIUF), Bodoland’s People Front (BPF), CPI(M) le Independent MLA hna cu house well ah an i pum i Central Bureau of Investigation (CBI) a si lo ah National Inverstigation Agency (NIA) hna nih ramri kong cu zohfelnak tuah dingin an ti hna.
Cozah le opposition party MP hna hi assembly chungah kutdong in an i sawh,cabuai cumh pah in fak piin an i el caah speaker Biswajit Daimary nih a phak tawkin boruak dai ter a timh nain a hlei lo ruangah minute 40 chung assembly house a khar.
Opposition party leiin biachimtu Congress MLA Kamlakhya Dey Purkayastha nih ramri buainak hi 2020 October thla ah Mizoram in a thawk mi a si. Hi kong hi India cozah sin zong ah kan theihter cang.Hi tin a si hnuah zei ruangah dah Assam palek hna an nunnak a liam tiah a hal hna.
Mah biahalnak hi Parliamentary Affair minister nih Assam le Mizoram cu ramdang kan si lo.India ramchung ah a ummi state kan si.Kan buainak cu chawnhbiaknak he kan chimfianh te lai. Amah belte cu ramri buainak ruangah Congress cozah chan 1974 in minung 34 nunnak a liam cang tiah a leh.Ref; the aizawl post
Leave a Reply