August 21, Magwe vanlawng ralkap minung 36 cu hriamnam tling he an zaam i a himnak hmun an phan cang tiah Magwe PDF (Athli ralkap) nih an chim.
Hi Magwe vanlawng ralkap hna umnak sakhan hi August 8 lio ah bomb a rak puak bal i rocket zong in an rak kah bal. Nizaan nai zong ah Dawei Kha-La-Ya 25 in SAC ralkap 25 hriamnam tlimg he an zaam tiah theih a rak si.#THT
#Biakilh: Laica in kan leh mi thawngpang pawl hi duhpoh lak in va nawnnok chin kan duh lo. Nanmah tein i leh ve u. Asiloah #Source-Mizzima or……+ Laica-The Hakha Times tiah na tial ding lawng ah i lak cang tiah kan in theihter hna.
Relchap: Taliban ralhrang nih Afghanistan ram dihlak an lak hnu ni tlawmpal ah Afghan thlanglei i Taliban hmunhma pathum cu Afghanistan ralkap nih August 20, cawn ninga ni ah an lak than cang tiah theih a si. Hi an lak thanmi Taliban hmunhma hi Baghlan ramkulh chungah a ummi an si. Hi kong hi Taliban lei a simi Media cheukhat zong nih an tial len.
Hi hmunhma pathum lak thannak ah Afghanistan ralkap hruaitu Abdul Hamid nih a ralkap hna cu hmun dang zong lak dingin an chuak cang, a rauh hlanah Baghlan ramkulh dihlak kan lak than lai tiah an lak than cangmi hmunhma pakhat Andrab in video in thawngthanhnak a tuah.
An sunghmi hmunhma pathum lak than dingin Taliban ralkap zeimawt an kal cang tiah theih a si. Hi kongah Taliban chimnak nawlngeitu Zabihullah Mujahid nih zeihmanh chimthanhnak a ngei rih lo.
Ramdang ah a zammi President hlun Ashraf Ghani hruainak tangah Vice President-1 a simi Amrullah Saleh nih Taliban hna cu a chuahkehnak Panjshir ramkulh chungin a rauh hlanah ka chuah viar hna lai tiah a thanh hnu tlawmpal ah atu bantukin Afghanistan ralkap an cawlcangh thannak hi a si. President Ashraf Ghani ramdang ah a zam hnuah Afghan phunghrampi ningin innhngak cozah i president cu keimah hi ka si tiah Amrullah Saleh nih cun thanhnak a tuah. VOA
Leave a Reply