Good News; PDF Sakhaan Drone in Ngiathlaitu SAC Ralhrang an Kah

Nihin (August 6) ah Shanram nithlanglei PDF sakhaan Drone in ngiathlainak a tuahtu SAC ralhrang pa cu PDF nih an kah i a thi, tiah PDF-Southern Shan State Generations nih thawngpang an chuah. PDF chubgtel pakhat nih, “A zaam i kan dawi i kan kah. A thih lai ah ralkap in a tlimi ka si a ti. Tliknak lam kawl awkah drone ka thlah tiah a chim. Sii kan thlop ko nain a thi tam tuk a chuak i a thi,” tiah a chim.The Chin JournalAugust 6, Yangon

Relchap: Palea ah Mipi Ralkap Le Rallokap I Kahnak Ah Rallokap 5 Fakngai In Hliam An Si Sagaing ramthen,Yinmapin pengkomh,Palea peng ah Palea PDF le Revolution Army- PRA fonh ralkap le rallokap i kahnak a chuak tiah Palea PDF he naihniam mi sinin theih a si.

Nizaan suimilam 6:30 in 8 tiang kahhnih karah i kahnak a chuak,rallokap lei in minung 5 fakngai in hliam an si i Palea PDF le PRA lei in minung pathum hliam an tuar ve.

Rallokap lei nih hriamngan in voi 15 hrawng an kahhna PRA nih thawng a thanh nak ah Vok,Caw hna cu meithal kuan mih an hliam i a thimi zong an um tiah an thanh.

I kahnak hmun hi mimung umnak le khuasaknak he a naihmi a si lo nain nizaan i kahnak ruangah a naihbik nak khua in mipi cu an zaam.

A luancia mi thlahnih ah Palea PDF le rallokap karah voithum hrawng i kahnak a chuak i rallokap lei in 20 leng an thi cang tiah khuami nih an chim tiah Burma Associated Press nih a tial.TCP