Good News: PDF Le ERO Nih Kawlram Hmun Tampi An Uk Cang, Peng 154 Cu Uknak Kanmah Nih Kan Dirh Khawh Cang Ee

Good News: PDF Le ERO Nih Kawlram Hmun Tampi An Uk Cang, Peng 154 Cu Uknak Kanmah Nih Kan Dirh Khawh Cang Ee

Myanmar Ram Hmun Tam Deuh Cu ERO Le PDF Nih An Uk Khawh Cang, Peng 154 Ah Hruainak Phu Kan Dirh Khawh Cang!
=====
Myanmar ram hmuntam deuh cu tlangcung hriamtlai phu hna (ERO) le PDF hriamtlai phu hna nih kan ukkhawh cang i, peng 154 chung ah ukhruainak kan dirh khawh cang, tiah NUG caan karlak President Duwa Lashi La nih a chim.

“Mahnak hmanh hin kan uknak hmun a kau deuh cang. A bik in Chin ramkulh ah zatuak in 70, 80 tluk kan ukkhawh cang. Cubantuk ṭhiam in Sagaing, Magway, Kachin, Kaya, Karenni le Karen ramkulh hna zong ah hmuntam deuh cu kan ukkhawh cang hna i, ukhruainak phu zong kan dirh cang hna” tiah a chim.

Tlangcung hriamtlai ERO le PDF nih an ukkhawhnak hmunhma peng 78 chung ah NUG nih ngandamnak lei ah rian kan ṭuan kho cang i peng 198 ah fimcawnnak rian kan ṭuan kho cang. Cupin ah biacheihnak zung hmun 25 zong kan dirhkhawh cang, tiah NUG caan karlak President Duwa Lashi La nih a chim.
#Lungmili Post
#Khit Thit Media

Relchap>>>>>Salai Joshua Van Cu ‘UFC Ah Aa Ṭhua Cang Lai!
=======
Fast-Rising Flyweight Joshua ‘The Fearless Van’ hi tulio mino a ṭhua mi lak ah zohthla bikmi a si. Fury FC champion Salai Joshua van nih “UFC ṭhua dingin ka timtuah (Ready) cang tiah amah page ah a tial.

Fury FC a thawngh nak ah voi 7 teinak a hmu i, 7-1 in dirhmun alak liopi a si, bia an halnak ah a leh mi hna cu “ka ṭhawnnak a ruang bik tiah ka ruah micu din ei lei ka sum pinah keimah pumpak ka zuamnak ruangah hin a si” tiah a leh hna. Kickboxer bantuk in aa chimmi Joshua Van nih a langhter cu ka lungput hi midang bantuk a silo ruangah ka hawile he ka dan biknak hi si tiah a chim.

Joshua Van hi Texas ah ummi hmenhsehlaw Myanmar in a rami si caah, Asian mipi dihlak
nih an zohthla in an dirpi bikmi asi pinah Myanmar UFC champion hmaisa bik zong a si.
Caan raulo teah vawlei pumpi nih Myanmar Chin’ hi an theih cang lai “zeizong veilte tlamting te timhtuah dih a si hnu cun vawlei pumpi fighter ṭha bik si ka zuam lai tiah a chim.

Fury FC champion sinak in ka thawngh ṭhannak ding hi iconic UFC’s Octagon ah asilai ka zumh tiah a langhter. UFC ah i thong dingin ka timhtuah (Ready) cang ka ngeih tuk fawn a ruang cu keimahnak thiam thiam he cawlcanghṭinak ka ngeih khawh lai caah tiin a chim chap.
#Lungmili Post
#The Fearless Joshua Van