Nihin September 17.9.2021 tiangah CDF Hakha sinah Ralhrang Palek le ralkap a fonh mi minung tampi an um cang. CDF Hakha sinah Palek a fonh mi hi minung 150 leng an si cang i, SAC ralhrang ralkap hi minung 6 an si cang tiah theih a si.
Chinram ah ralhrang le palek minung tam tam taktak CDM an tuah pinah CDF sinah a fonh mi minung tampi an um cang tiah theih a si. Chinram peng kip ah CDM tuah cuahmah a si pinah palek le ralkap CDF sinah an i fonh tiah theih a si.
Relchap:Matupi Ah Rallokap Pakhat Nih A Bawipa A Kahthah.
Chin ramkulh Matupi khua ah rallokap pakhat nih a cung bawi pakhat cu meithal in a kahthah tiah theih a si.Rallokap Khah-mah-yah 309 in rallokap pakhat nihcun Doh-Tatzinhmu reng a simi Bohmu pakhat cu zahan September 16 zaan suimilam 12:00 hrawng ah khan a thah .
Dothlennak tuahmi ralkap he va kal i vai kahdoh ding a duh lo ruang ah bia i el hniar ak fak ngai in a chuak i atu bantukin kahthahnak a chuah hi si tiah rallokap he neihniam in ummi pakhat nih cun a chim. Kahthah a tongmi ralbawi cu a hmun ah a nunnak a liam colh i Matupi siizung ah a ruak an chiah tiah theih a si.
Kan hnu August 29 lio zong ah Matupi khua ah Khah- Lah- Yah 140 tatzin chung ah Bogyi pakhat cu Cenaan ca a rel lio ah a kuttang rallokap pakhat nih a kahthah i amah zong ai that colh ve tiah Khit Thit Media nih a tial.
Leave a Reply