Good News: Nikhat Chung Kahdohnak Ah SAC Ralhrang 107 An Thah Hna

January 5: Myanmar Rampumpi Huap Ralhrang Thimi Le Tualchung Hriamtlai Nunnak Liammi!
=====
January 5.2023, nikhat chung Myanmar rampumpi huap kahdohnak i taulchung hriamtlai phu hna nih thawngthanhnak an tuah mi ah SAC ralhrang 107 renglo an thi i tualchung hriamtlai in minung 6 nunnak a liam tiah theih a si.

Tualchung hriamtlai phu hna nih thawngthanhnak an tuah mi cu a tanglei bantuk in Khit Thit Media nih a langhter;
(1) Karen ramkulh Kyainnseikgyi peng Taungsun ah January 1 in 4 tiang kahdohnak ah ralhrang 90 leng an thi i tualchung hriamtlai minung 8 nunnak a liammi ah minung 6 cazin cu langhter cangmi an si.


(2) Sagaing ramtthen Myaing ah ralhrang 3 an ti.

(3) Mandalay ramtthen Thabeik-kyin ah ralhrang 8 an thi.
(4) Sagaing ramtthen Kanbalu ah ralhrang 3 an thi.
(5) Mon ramkulh Kyaikto ah ralhrang 1 a thi.
(6) Tanintharyi ramtthen Palaw ah ralhrang 2 an thi i tualchung hriamtlai minung pakhat nunnak a liam.
(7) Shan ramkulh Shew Nyaung ah ralhrang thimi an tam i tualchung hriamtlai in minung 3 nunnak a liam tiah tualchung hriamtlai nih thawngthanhnak an tuah.
#Source:Yangon Khit Thit Media

Relchap>>>>Monywa Khuapi Ralhrang Michektu An Kah Hna, A Thimi An Um (VIDEO) He!
=====
Sagaing ramtthen Monywa (မုံရွာ) khuapi ah mi a chektu hna SAC ralhrang pawl cu PDF nih an kah hna caah ralhrang 4 an thi tiah tualchung PDF Battalion 19 in nawlngei pakhat nih a chim.

“January 5 chun suimilam 2:45 tluk in minute 2 chung Monywa khuapi Zaloat (ဇလုပ်) kulhnak hmun ah mi a chektu hna SAC ralhrang 15 hrawng cu tualchung hriamtlai phu fonh in an kah hna i ralhrang 4 an thi pin ah hliamtuar zong an um” tiah thawngthanhnak an tuah.
#Source:Khit Thit Media

 

Relchap>>>>>Ralhrial um nak sakhan SAC nih hriamngan in an kah
================

Demosoe peng nitlak lei hmunram hna cu SAC nih January -3 zan Sml 7:00 ah hriamngan in an kah minih ralhrial pawl an i dornak sakhan cung ah tlak in kum 55 hrawng a si mi Nu (1) nunnak liam in adang pakhat nih hliam a tuar tiah Demosoe PDF nih an thanh.

Hriamngan ruang i a nunnak a liam mi Nu nih a innchung pa cu fa pahnih aroh tak i,hi ralhrialnak hmun i an i dor nak hi thlakhat fai lawng a si rih tiah theih a si.

Hibantuk in SAC ralhrang hna nih ralhial um nak hmun zong zuahlo in kah an hman caah Hriamngan le vanlawng thawng theih ah cun vawlei khurchung i a rankhawhchung in an ithuh cio nak hnga Demosoe PDF nih ralzam mi sin ah forhfialnak an ngeih hna nak theih a si.

Be the first to comment

Leave a Reply

Your email address will not be published.


*