SAC cozah ralkap lutlai umnak Naypyidaw ah raltuk nak kongkau le humhimnak (sah-yah-khah)zungah cazi rian a tuan mi nu ralkap minung 2 cu an zamnak in an chuah ti lo caah SAC ralkap phung ningin ralkap chung a zam mi tiah nawl an chuah.
Cazi nu pahnih an tuan nak zung hi ralkap lei nih a herh tuk mi thilri chiah le an fim nak zung pakhat zong a si. Hi hna pahnih cu Sergeant Win Pa Pa le Sergeant Tan Da Soe an si i a luan cia Febuary thla thok in an zam i a tu ni tiang an muihmai a langh ti lo caah ralkap chung in a zam mi tiah thawngthanh nak an tuah hi a si.
“Febuary thla thok ka in an um ti lo, khunh zong an la fawn lo. Khunh hal lo in 21 chung an um ah cun ralkap chung in a zam mi tiah Order chuah a si. A tu ni tiang an tlai kho fawn rih hna lo” tiah an tuannak zung neih niam pakhat nih a chim.
“Hi nu 2 an tuan nak zung hi ralkap caah a herh tuk mi catlap le thilri pawl an chiah nak zung a si caah a zam mi pahnih nih hin a herh mi Data zong an i zam pi lai tiah an ruah hna caah, hi hna pahnih cu hmuhnak poah ah thah ding nawl an chuah” tiah a cunglei upa nih a chim chap.
Azam mi nu pahnih hna hi Mawbi ralkap sianginn ah Computer Diploma training a dih mi an si i Naypyidaw ralkap lutlai zungah kum 7 tluk rian an tuan cang tiah kan theih.
#MAT
Crd.. Lungmali Post
Leave a Reply