Good News: KNU Nih SAC Ralhrang Helicopter An Kah Ee

KNU nih SAC ralhrang Helicopter an kah, hman awk ttha lo in a rawk kho men

Tuchun ah KNU nih anmah a rak kap tu SAC ralhrang Helicopter cu an kah va caah a rawk deuh caah a rannak in an ttum pi colh tiah KNU nih an langhter.

Hniang 8 zing sml 10:00am hrawng ah KNU brigade 3 hmunram ah ra in heh tiah pasalttha pawl a kaptu ralhrang Helicopter cu an kah ve caah a Seh tlamtlin deuh ruangah a rannak in an kir pi i an ttum pi colh tiah KNU nih cun an langhter.

Ralhrang Helicopter 2 cu ra in KNLA ralkap pawl cu heh tiah an rak kah hna, cucaah an hei kah ve caah Helicopter pakhat cu an khen.

SAC ralhrang nih Helicopter hmang in an kah len ko hna nain mizapi ralkap kheng hleng loin thingkung lawng a khen ee tiah an langhter chap.


KIA le PDF fonh nih SAC ralhrang camp 2 an lak khawh
KIA le PDF fonh nih tuzing ah SAC ralhrang le pyi thu sitt camp 2 cu ralttha taktak in an va kah hna caah an lak khawh tiah theih a si.

Hpakan khuapi peng Say Zin khua le Shwe Pyi Tit khua ah a um mi SAC ralhrang le Pyi Thu Sitt camp pahnih cu tuzing Hniang 8 zinglei sml 1:00am in 5:00am tiang bak KIA le PDF nih an kah hna hnu ah an lak khawh tiah khuami nih an chim.

Hi camp ahhin Shanni National Army (SNA) ralkap pawl zong an um ve tiah an langhter.

Hi kahdohnak ah mithi le hliamtuar zat fiang in an langhter lo.

Relchap>>>>>>Nihin zinglei ah Hakha khua, Vom Tu Maung cerhtual pawng ah a ummi SAC ralhrag palik sakhaan pawng hmun 2 cu miphun ralkap nih an vung kah, tiah thawngpang kan theih.

Khuami pakhat nih, “Zinglei sml. 7:00 hrawng ah khan an rak kah i minute 3 in minute 5 karlak hrawng meithal thawng a thang. Mithi hliampu an um le um lo cu kan thei ve lo,” tiah a chim.

Atutan an kah hnanak hi palik sakhaan pawng SAC ralhrang hmunkhuarnak sianginn le cazin checknak zung (Sayinsit) an si, tiah Hakha Campaign for Justice nih thawngpang a chuah.

Kanhnu August 2 ah khan CDF-Hakha nih Hakha SAC ralhrang palik sakhaan hi a voi khatnak an rak kah cang. Cu lio ah cun Hakhathar lamton zong ah kahdohnak pehzul in an tuah.

Nihin hi Kawlram 8888 Revolution kum 34 tlin camtuak a si i, Hakha khuachung lamton pawl ah SAC ralhrang nih pit ngaiin an congh.

Hakha khuachung i chawdawr a tam u zong an khar hna, tiah Hakha khuachung ah dawr a tuahmi minung pakhat nih The Chin Journal ah a chim.

 

 

Be the first to comment

Leave a Reply

Your email address will not be published.


*