Good News: KNLA Le An Tantii Hawi Nih SAC Sakhan An Lak

Paku ramthen,SweCin peng chung i a um mi SAC sakhan hna cu KNLA le an tantii hawi hna nih nihin Nov-12 ni ziing ah andoh hna i an lakkhawh tiah theih a si.

An lak mi SAC sakhan hna cu KNLA B(9-7)hmunram chung i a um mi Bawkatha /Tongtataa le Tanseih sakhan hna an si tiah PDF B-3702 nih an thanh.
SAC lei nih zing Sml-7 in 9:45 am tiang Jetfighter -3 hmang in an rakah hna ii, i tukdohnak ngol a si rih lo tiah an langhter.

Relchap>>>>NUG Kuttang PDF Wetlet Nih Hloh An Duh Hna Caah An Tuk Mi Bo Cakei Phu Nih Kutsiam Meithal Lian In Rallokap Sakhan An Kah

Ankah mi Rallokap Sakhan: Sakai Ramthen, Wetlet Peng Sinmaka Sakhan. A kap tu LDF phu hi Kan hnu zarh ah NUG Kuttang PDF Wetlet nih an kah mi Bo Cakei te phu kha an si. PDF Wetlet nih a nung in tlaih an duh ko nain Bo Cakei cu azam manh. A ralbawi chuekhat cu an thlah rih hna lo. Dalaan bantukin an hrem hna / an thah hna. NUG nih an hlat lio asi. A sual mi cu Bo Cakei siseh, PDF Wetlet siseh, dantat an si tiah an thanh cang.

11 November 2022, ah Bo Cakei te nih kutisam bomb le Meithal lian in an kah hna. Minites 20 -25 chung an i kah. Uirual cu maw ka nu kan khamh tuah u, kan lo dih cang tiah an kio len. An kah mi Bomb le kuan vialte Sakhan ah an tla dih. Uirual a thih zat kan theih khawh rih lo tiah Bo Cakei nih ati. Hmapu in a aihram lenmi au kan theih hna tiah a ti. Rallokap nih khua chung ah Hriam ngan an kah lengmang i mipi an kan thah lengmang caah tu bantukin kan kah hna hi asi tiah Bo Cakei nih a ti.

November 7 ah Sinmakan Sakhan um Uirual nih, Khua chung ah Hriamngan an kah caah, Nu 1 a thi, kum 2 ngakchia pa hma fak pi in a tuar tiah Bo Cakei nih a ti.
NUG Kuttang lo LDFs phu 5 i fonh in an kah hna. Bo Cakei nih a hruai hna. (ဗိုလ်ကျားကြီးအဖွဲ့၊ ကျားသစ်နက်ပြောက်ကျားအဖွဲ့၊ ACID အဖွဲ့၊ မတ္တရာပြည်သူ့ကာကွယ်ရေးအဖွဲ့နှင့် လျှပ်စီးပြောက်ကျားအဖွဲ့)

 

Fianternak: NUG sual phawtnak capar asilo. Kawlrawn PDF hi 500 dengmang an um. NUG kuttang ah 200 leng an um. Adang cu NUG kuttang lo lawng an si. Chinram lawng ah Pengtlang CDF an tam asi lo. Kawlraw lei ah an tam deuh. Nain mah le mah aa kah mi an um tuk theng lo. CHIN MI zong mah le mah i kah ti hla usih.
CDF phukhat nih 60MM an siam ve. Timit ah an hmang le a alh khawh lo an ti.
Source: Bo Cakei Facebook. Irrawaddy Burmese Edition / Mizzima News.

Be the first to comment

Leave a Reply

Your email address will not be published.


*