Good News: Kahdohnak A Fak SAC Ralhrang Minung 90 Tluk An Thah Hna

Karen Ramkulh Kahdohnak Ah SAC Ralkap 90 Leng An Thi, PDF 8 Nunnak Liam
=================
Karen ramkulh, Kyainnsaitkyi peng Taungsun kahdohnak ah SAC ralkap 90 leng an thi i PDF 8 an nunnak a liam ve tiah Kawtulay rallap Lion Battalion in chim phuannak nawl ngeitu pakhat nih a chim.

January 1, zinglei suimilam 4:00 ah Taungsun khua ummi SAC ralkap le BGF minung 200 hrawng umhmun an khuarnak sakhan le BGF nih umhmun an khuarnak sakhan hna cu Bu Al Sae Wa hruai mi Lion Battalion, SOF, KNU/KNLA battalion 16, AMGRY drone phu, SSDF drone phu, Federal Ming drone phu, AIMS drone phu le AURS mine tlaitu phufonh nih an kah hna i SAC ralkap 90 leng an thi tiah theih a si.

” SAC ralkap le BGF 23 cu kanmah lei sniper kahnak ruang ah an thih caah kahdohnak chung he a thimi dihlak hi 90 leng an si. Ni 4 chung ah SAC ralkap nih Mi 35, Y 130 raltuknak vanlawng, SU-30 raltuknak vanlawng hna hmang in voi 60 leng an kan kah. Tualchung hriamtlai Lion Battalion in ralkap 2 le SOF ralkap 6 tiin minung 8 nih ram le miphun caah an nunnak an pek” tiah Lion Battalion in chim phuannak nawl ngeitu nih a chim.

Relchap>>>>>Tuluk Pawl Minung Firtu Hna Nih Asian Ramchung Hna Ah Hmunhma An Lak Cang!
=====
Ralrin taktak kan hau cang, China (Tuluk) rammi minung firtu hna nih sifakmi Asian ram minung hna cu rianttuan dingin an auh hna hnu ah ciincik in an khih hna i hlawhhlang, sinum, sal le phungning lo rian pawl hramhram in an ttuanter hna tiah” ‘Meta Khabar’ nih a langhter.

Nepal rammi minung 10 hna cu riantha kan inpek hna lai tiah biakamnak he an auh hna nain phungning lo le dawhcah lo rian an ttuan ter hna. Nupi caah an auhmi hna zong hlawhhlang an ttuanter hnanak kong cu kan chanhchuah mi hna sinin theih a si tiah ‘Meta Khabar’ nih a langhter.

Naite ahkhan Tuluk minung firtu hna nih an ramchung lawng siti lo in an ram leng ah minung takpum cheubang le minung sa hna an zuar timi thawngpang cu theihternak (repoet) an tuah. Cu caah a tu hi Tuluk rammi minung 2 hna cu Nepal ramchung nawlngeitu hna nih an tlaihkhih hna tiah a langhter chih.
#Source:Mizzima
#Photo:Crd
#Lungmili post

Be the first to comment

Leave a Reply

Your email address will not be published.


*