Chin ramkulh, Hakha Police Station in September ni 11 ahkhan Sergeant Police Officer tel in Palik minung 6 hna cu CDM ah an i fonh ve cang tiah theih asi. CDM ah a lutmi palik pawl hna cu:- Police Warrant Officer Tai Khung, Police Bawi Lian Thang, Police Lawm Cung Nung.
Hakha District Police Chief Office in, Police Thi Ha, Cun Hakha Tawnship Police Chief Office in, Police Sergeant Chhamu, Police Corporal Cung Than Ceute an si. September ni 10 zongah khan Chin ramkulh police department zung in palik 3 cu CDM ah an rak lut cang.
Chin State Police pawl hi CDM ah aa fonh cangmi an tam tuk cang caah, Pago region le Mon state ramkulh palik le traffic police 300 lengkai cu Chin ramkulh ah rianṭuan dingin ṭhialkam an si tiah theih asi.
Relchap:Kani peng, Winmana(ဝင္မနား) khua ah mipi vengtu phu le ralhrang phu kar ah kahdohnak voihnih a chuak, ralhrang phu lei in minung 3 nak tlawmlo an thi tiah, Kani PDF-1 phu nih an langhter.
Sagaing ramthen,Kani peng, Winmana (ဝင္မနား)khua palik sakhan cu Kani PDF-1 le Myanmar Defence Force phu hna doh in mipi lei ah tan ding in le mipi lei ah dir ding in ruahnak pek nak a um nain, cohlan nak a um lo caah kaphnih kar kahdohnak a chuak tiah theih a si.
September 12, zaan suimilam 10:00 in kahdohnak a chuak i, zaantim suimilam 12:00 hrawng ah ruah a sur caah kahdoh nak ngol a si.
September 12,zinglei suimilam 9:00 ah kahdohnak a chuak than, chunhnu suimilam 1:00 hrawngah ralhrang phu hna nih vanlawng(ဂ်က္ေလယာဥ္) hmang in van lei dohnak he bawmtu minung an thlah tiah an langhter.
Ralhrang phu hna nih van lei dohnak in an kah hna caah Kani mipi vengtu phu khomh hna cu kahdohnak ngol in hnu ah an tolh tiah theih a si . Vawlei lei ralhrang phu lei in minung 3 nak tlawmlo an thi, PDF phu fonh in minung pakhat hliam a tuar tiah an cathanh ah an langhter.DVB
Leave a Reply