Good News: Chin Ram Kahdohnak Ah Ralhrang 11 An Thah Hna, An Nung Buin Minung 14 An Tlaih Hna

Good News: Chin Ram Kahdohnak Ah Ralhrang 11 An Thah Hna, An Nung Buin Minung 14 An Tlaih Hna

CNDF Nih Vaar Sakhan Laaknak Ah SAC Ralhrang 11 An Thi, 14 A Nung In An Tlaih Hna
=================================

Chin ramkulh, Falam peng, Falam in meng 12 hrawng a hlatnak Vaar khua i umhmun khuarmi SAC ralhrang sakhan cu Chin National Defense Force ( CNDF) nih nihin Vaupi 10 zinglei sml 5:30 in an luhhnawh i an va kah hna, sml pakhat le cheu hrawng a ruah hnu ah Vaar SAC ralkap sakhan cu kan laak khawh tiah CNDF nih cathanh a chuah.

Kahdohnak ah SAC ralhrang 11 an thi i a nung in 14 kan tlaih hna nain hliamhma an tuarmi a fah tuk ruang ah lampi ah ralbawi captain telh in minung 3 an thi chap tiah a langh ter.

SAC ralhrang camp laknak ah MA1 meithal zun (3), MA2 meithal (1), Ma3 methal zun (2), MA4 methal zun (1), G3 zun (12), MA magazine (20), 60 mm hriamngan (2), 60 mm hriamngan cerek (58), Energa (😎, G3 magazine (37), Trip-wire Mine (10), 40 mm cerek (33), Grenade (12), Our front Mine (50), Land Mine (500), MA cerek (1000) leng le G3 cerek (2500) leng kan laak khawh tiah a langhter chih.

Tutan kahdohnak ah Mipi lei in pakhat le CNDF in ralkap pakhat nih ram le miphun caah an nunnak an pek tiah a langhter.