Good News: CDF Kanpalet Nih Ralhrang 7 An Thah Than Hna

CDF- Kanpetlet Kahdoh Nak Cathanh
Tuni September 16 ah Gin Due (ကျင်‌ေဒွး)khua ah thazaang chap ding in a ra mi ralhrang hna cu Magwe ramthen Lawng Sii(လောင်းရှည်) le Chin ramkulh ramri hmun pakhat ah kan mah CDF – Kanpetlet kar ah kahdoh nak a um i ralhrang le minung 7 an thi, ahliam mi an tam.

Kanmah CDF- Kanpetlet lei in a thi mi le a hliam mi kan um lo. Mipi lei zong nih a fiang rih lo mi thawpang le kahdoh nak thawng pang hna cu mizapi hmuhnak le fb cung hna ah nan langhter, nan tar nak hnga lo zaangfah kan nin nawl hna. # CDF- Kanpetlet

Relchap:CDF-Hakha le PDF-Gangaw an cu an i bawm i ralkap (25) an thah khawh hna tiah an mah Gangaw PDF lei nih cathanh an chuah.

September 10, 2021 ah khan Namkha khuate lei ah a kal mi ralkap Ralkap hna cu CDF-Hakha le PDF-Gangaw i bawm in kan kah hna. Hi ah hin kaphnih karlak raldohnak a faak ngai.

A si nain CDF-Hakha le PDF-Gangaw lei cu kan him dih, a thi mi le hliamtuar kan um lo. Ralkap lei cu minung (15) kan thah khawh hna tiah an langhter.Hi September 10 raldohnak ah hin ralkap lei nih Namkhan khuate inn (36) mei in an khangh tiah an langhter chih fawn.

September 9 in September 13, 2021 tiang raldohnak report an tial mi ah, CDF-Hakha le PDF-Gangaw an i bawmhnak kong zong an langhter chih hi asi. PDF-Gangaw le CDF-Hakha Pathian nih teinak nganpi he lamhruai chin lengmang ko hna seh.

Tutan raldohnak ah mipi lei zong an tem ngai ngai. Inn lo tiang duah piak an tong, cu pin ah mipi lei zong a nunnak a liam mi an um ve tiah an cathanh chuah mi ahcun an langhter fawn.Lai kokek Journal